Արցախի պետական նախարար Ռուբեն Վարդանյանը ֆեյսբուքյան ուղիղ եթերով հայտարարեց դպրոցները փակելու մասին և կոչ արեց խնայել էլեկտրաէնէրգիան:
Մի քանի ժամ առաջ Ադրբեջանը Արցախը զրկեց գազամատակարարումից: Բացի նրանից, որ Արցախը Հայաստանին կապող Ստեփանակերտ-Գորիս մայրուղին դեկտմբերի 11-ից փակել են ադրբեջանցի «բնապահպանները», ադրբեջանցիները Արցախին զրկել են նաև գազամատակարարումից:
Վարդանյանն ասաց, որ մի քանի օր արդեն գտնվում ենք շատ լուրջ ճգնաժամի մեջ, որը ստեղծել է մեր հարևան պետությունը ճանապարհ փակելով. «Դա նշանակում է, որ խնայողաբար պիտի մոտենանք մեր ծախսերին՝ հասկանալով իրականությունը, փորձենք պահպանել մեր պահելաձևը: Բայց մյուս կողմից պիտի հասկանանք, որ ճգնաժամը իրականություն է դառնում մեզ բոլորի համար»:
Արցախի պետնախարարը նաև ասաց, որ մենք բոլորս պիտի պատրաստ լինենք պայքարի. «Մենք պիտի ցույց տանք, թե էս վիճակում ով է արցախցին, դիմանում ենք մարտահրավներին և ոչ մեկից չենք վախենում: Այո, ծանր է լինելու, բայց մենք անցնելու ենք ու հաղթելու»:
Ռուբեն Վարդանյանը նաև նշեց, որ այս գործողություններով Ադրբեջանը ցույց է տալիս, որ Արցախի հետ միասին ապրելը անհնար է։
Հայաստանից Արցախ մտնող գազամուղը Լաչինի միջանցքի հին երթուղով է անցնում և չի տեղափոխվել գործող երթուղի։
Տես նաև՝ Արցախում Ադրբեջանից գազ գնելու որևէ նախագիծ, քննարկում կամ մտադրություն չկա
