ԱՄՆ-ի քննչական մարմինները լիբանանյան բանկերից մեկից գանձել են $150 մլն՝ լիբանանյան «Հեզբոլլահ» զինված խմբավորման համար փողերի լվացման կասկածանքով, հաղորդում է BBC-ն։
Դատախազների կարծիքով՝ «Լիբանանա-կանադական բանկը» օգնել է օրինականացնել թմրավաճառքից ու հանցավոր այլ ակտիվությունից ստացված եկամուտները։
Իրավապահ մարմիններում ենթադրում են, որ բանկը ԱՄՆ-ում գնել է օգտագործված ավտոմեքենաներ, ապա դրանք վաճառել է Արևմտյան Աֆրիկայի երկրներում, իսկ եկամուտը՝ թմրանյութերի վաճառքից ստացված գումարների հետ միասին, ուղարկել է «Հեզբոլլահին»։
Վաշինգտոնի կողմից ահաբեկչական համարվող «Հեզբոլլահի» ներկայացուցիչները հերքում են ամերիկյան կողմի մեղադրանքները։
