Դեկտեմբերի 16-ին ՀՀ Ազգային ժողովը գումարել է արտահերթ նիստ
-
Սամվել Կարապետյանի նկատմամբ նոր մեղադրանք է ներկայացվել
Կալանավորված գործարար Սամվել Կարապետյանի նկատմամբ նոր մեղադրանք է ներկայացվել՝ փողերի լվացում։ Այս մասին հայտնում է Կարապետյանի պաշտպանության խորհուրդը։ «Օրերս ներկայացվել է «մի քանի ընկերությունների գործունեության հետևանքով փողերի լվացման» ակնհայտ անհիմն նոր մեղադրանք՝ առանց որևէ տվյալի: Ակնհայտ է, որ Հայաստանում վերջին շրջանում «փողերի լվացումը» վերածվել է ամենատարածված մեղադրանքի և պարբերաբար կիրառվում է բացառապես քաղաքական հաշվեհարդարի համատեքստում»,- ասված է հայտարարության մեջ: Կարապետյանի պաշտպանության խորհուրդն աննախադեպ է համարում, որ Սամվել Կարապետյանի որևէ կոնկրետ գործողություն, որն ինչ-որ կերպ կարող է առնչվել մեղսագրվող արարքի հետ, ընդհանրապես առկա չէ։ «Ստացվում է, որ մեղադրանք է ներկայացվել որևէ ուղիղ կամ անուղղակի մասնակցության, ենթադրյալ միջոցները թաքցնելու կամ խեղաթյուրելու հետ […]
-
Ֆիտոսանիտարական հավաստագիր կտրվի միայն առանց խնդիր ջերմոցներին․ ՍԱՏՄ ղեկավար
Հայաստանի Սննդամթերքի անվտանգության տեսչական մարմնի ղեկավար Տիգրան Պետրոսյանը հայտարարել է, որ Ռոսսելխոզնադզորի հետ ամենօրյա ռեժիմով բանակցություններ են ընթանում ծաղիկների արտահանման հարցով։ Լրագրողների հետ հանդիպմանը նա ներկայացրել է պայմանավորվածությունների և վերահսկողության գործընթացը՝ շեշտելով Հայաստանի կողմից ստանձնած պատասխանատվությունը։ Նրա խոսքով, Հայաստանի բոլոր մարզային կենտրոնների բուսասանիտարներն արագացված տեմպերով մտնելու են տեղական ջերմոցներ՝ աուդիտ անցկացնելու նպատակով։ Նրանք տեղում կգնահատեն իրավիճակը, և այն տնտեսություններին, որտեղ կբացահայտվեն ֆիտոսանիտարական խախտումներ, հավաստագիր չի տրամադրվի։ «Որտեղ որ կլինեն հստակ խնդիրներ, իրենց ֆիտոսանիտարական հավաստագիր չի տրվի։ Որոնց մոտ որ չեն հայտնաբերվի հիվանդություններ, կլինեն նորմալ, մենք ամենօրվա ռեժիմով իրենց նամակ ենք գրելու, խնդրենք, որ հաստատեն», – ասել է Պետրոսյանը։ Նրա խոսքով՝ […]
-
Վաղարշապատ համայնքի ղեկավարի պաշտոնակատար է նշանակվել Արգիշտի Մեխակյանը
Արմավիրի մարզի Վաղարշապատ համայնքի ղեկավարի պաշտոնակատար է նշանակվել Արգիշտի Մեխակյանը: Այս մասին հայտնում են Կառավարությունից։ Վաղարշապատի նախկին համայնքապետ Դիանա Գասպարյանը պաշտոնաթողության մասին հայտնել էր մայիսի 21-ին: Վաղարշապատ համայնքում նախատեսվում է ավագանու ընտրություններ անցկացնել 2025-ի նոյեմբերի 16-ին:
-
2020-ի պատերազմ, «Դ-20» դիվիզիոնի պատմությունը. Մաս 1
Հայկ Ղազարյան «2020 թվականի հոկտեմբերի 12-ին ժամը 17:00-ի սահմաններում հրետանու պետը նկատել է դիմացի բլուրից դեպի ձորն իջնող խմբավորում և այդ մասին տեղեկացրել է մեզ: Ես ևս դուրս եմ եկել դիտակետից և նայել դիմացի բլուրը և նկատել դեպի ցած իջնող խմբավորում՝ մի քանի տասնյակ անձ, թիվ չեմ կարող նշել». սա «Դ-20» հրետանային դիվիզիոնի կառավարման դասակի զինվոր Ալեքսան Մկրտչյանի ցուցմունքից է։ 2025-ի հունիսի 18-ին Վերաքննիչ քրեական դատարանը անփոփոխ թողեց Արցախի պաշտպանության բանակի (ՊԲ) նախկին հրամանատար Ջալալ Հարությունյանի՝ 5,5 տարվա ազատազրկման վճիռը։ Նա մեղավոր է ճանաչվել ծառայության նկատմամբ անփույթ և անբարեխիղճ վերաբերմունքի համար, ինչի հետևանքով անզգուշությամբ առաջացել են ծանր հետևանքներ։ Ըստ դատարանի՝ […]
-
Կոնգրեսում քննարկվում էին մեխանիզմներ՝ Բաքվին մղելու կառուցողական բանակցությունների. հարցազրույց
Արշալույս Մղդեսյան Գերմանական Մարշալ հիմնադրամի (GMF) Վարշավայի գրասենյակի տնօրեն Ֆիլիպ Բեդնարչիկը (Philip Bednarczyk) ՍիվիլՆեթի Արշալույս Մղդեսյանի հետ հարցազրույցում խոսում է անդրատլանտյան անվտանգության ապագայի, ԱՄՆ-ի ներգրավվածության և հայ-ադրբեջանական բանակցություններում ԱՄՆ-ի միջնորդական հնարավորության մասին։ Մինչև Գերմանական Մարշալ հիմնադրամին միանալը Բեդնարչիկը խորհրդատվություն է տրամադրել ԱՄՆ Կոնգրեսում՝ Եվրոպայի հարցերով, աշխատել է նաև ԵՄ-ում և Մոսկվայում՝ ամերիկյան ՀԿ-ում։ Զրույցը տեղի է ունեցել Վարշավայում հուլիսի 10-ին։ ԱՆԴՐԱՏԼԱՆՏՅԱՆ ԱՆՎՏԱՆԳՈՒԹՅԱՆ ՄԱՍԻՆ – Պարոն Բեդնարչիկ, ձեր կարծիքով ինչպե՞ս է փոխվում անդրատլանտյան անվտանգության ճարտարապետությունն այն բանից հետո, երբ Դոնալդ Թրամփն ընտրվեց ԱՄՆ նախագահ և հայտարարեց, որ Վաշինգտոնը այլևս Եվրոպայի անվտանգության երաշխավորը չէ։ – Իմ կարծիքով, Թրամփը և նրա վարչակազմը փորձում […]
-
Սամվել Կարապետյանից սպասում են «Իվանիշվիլիի սցենար». Արթուր Աթանեսյան
Իշխանությունը Սամվել Կարապետյանից սպասում է «Իվանիշվիլիի սցենարի» կրկնություն և հնարավոր է՝ պատրաստվում է այն կանխել. ՍիվիլՆեթի Արշալույս Մղդեսյանի հետ զրույցում նշում է Երևանի պետական համալսարանի կիրառական սոցիոլոգիայի ամբիոնի վարիչ Արթուր Աթանեսյանը։ Նրա խոսքով՝ թեև Սամվել Կարապետյանը հայտարարել է նոր քաղաքական ուժ ստեղծելու մասին, նրա կերպարն ու քաղաքական վարկանիշը շարունակում են մնալ անորոշ։ Աթանեսյանը կանխատեսում է, որ Կարապետյանը կփորձի ներկայանալ ավելի լայնամասշտաբ նախաձեռնություններով, որոնց հիմքում, հնարավոր է, լինի Մոսկվայի աջակցությունը։ Աթանեսյանի կարծիքով՝ Կարապետյանն ու Իվանիշվիլին ունեն նմանություններ՝ որպես ռուսաստանյան օլիգարխներ, որտեղ հարստությունն ու քաղաքական ազդեցությունը անբաժանելի են։
-
Օգոստոսի 1-ից կգործի տրանսպորտի վճարման 3 տարբերակ՝ 4-ի փոխարեն
Երևանում օգոստոսի 1-ից հասարակական տրանսպորտի միասնական, ժամանակակից տոմսային համակարգը շարունակելու է գործել 3 նորարար վճարման տարբերակով. Տրանսպորտային քարտ, Անհպում բանկային քարտ (ՀՀ բոլոր բանկերից, բացի ՎՏԲ-ից), Բջջային հավելված: Այս մասին հայտնում են Երևանի քաղաքապետարանից։ Ավելի վաղ քաղաքապետարանից հայտնել էին, որ օգոստոսի 1-ից թղթային տարբերակով QR կոդով ուղևորատոմսերն աստիճանաբար դուրս կգան շրջանառությունից։ Հուլիսի 3-ի արտահերթ նիստում Ազգային ժողովը երկրորդ ընթերցմամբ և ամբողջությամբ ընդունեց ներհամայնքային տրանսպորտից օգտվելու կանոնները խախտելու համար տուգանքներ սահմանող օրենսդրական փաթեթը։ Օրենքը սահմանում է տուգանքների երեք հիմնական չափ, դրանք են․
-
ԵՄ-ն դիտարկում է Վրաստանի համար անայցագիր ռեժիմի կասեցումը. Կալլաս
ԵՄ-ն դիտարկում է Վրաստանի համար անայցագիր ռեժիմի կասեցումը. հայտնում է վրացական Առաջին ալիքը։ «Մենք տեսնում ենք Վրաստանում լուրջ հետընթաց և քննարկում ենք, թե էլ ինչ կարող ենք ձեռնարկել։ Բոլոր տարբերակները սեղանի վրա են, ներառյալ անայցագիր ռեժիմի կասեցումը», – հայտարարել է ԵՄ արտաքին գործերի և անվտանգության քաղաքականության բարձր ներկայացուցիչ Կայա Կալլասը՝ Եվրամիության արտգործնախարարների հանդիպմանն ընդառաջ։ Նա հայտնել է, որ քննարկվում են մի շարք հնարավոր տարբերակներ, որոնք կարող են ազդել վրացական կառավարության հաշվարկների վրա։ «Մենք վերլուծում ենք բոլոր միջոցները՝ ներառյալ այն տարրերը, որոնք կարող են փոխել քաղաքական ուղղությունը Վրաստանում», – ասել է Կալլասը։ ԵՄ արտգործնախարարներն այսօր Բրյուսելում կհավաքվեն վերջին պաշտոնական նիստի համար՝ […]
