Ադրբեջանցիները ՌԴ խաղաղապահների ավտոշարասյանը թույլ չեն տվել անցնել Լաչինի միջանցքով, հայտնում է Արցախի մարդու իրավունքների պաշտպան Գեղամ Ստեփանյանը։
«Ռուս խաղաղապահը Լաչինի միջանցքում մոտենում է ադրբեջանցի «բնապահպաններին»՝ խնդրելով բացել ճանապարհը խաղաղապահների ավտոշարասյան համար։ Մերժում ստանալով, նա բեռնատարների վարորդներին հրամայում է շրջվել և հեռանալ։ Սա ադրբեջանական կեղծ պատմույթի ևս մեկ ապացույց է»,- Թվիթերի իր էջում գրել է Ստեփանյանը:
The Russian peacekeeper approaches the so-called #Azerbaijan’i “environmentalists” asking to open the road in Lachin corridor for the Russian peacekeepers’ convoy to pass.
Being rejected he orders the tracks to turn around and go.
Another proof of 🇦🇿 fake narrative. pic.twitter.com/OvOV9BwDcl— Gegham Stepanyan (@Gegham_Artsakh) December 21, 2022
Դեկտեմբերի 12-ին` ժամը 10:30-ին, մի խումբ ադրբեջանցիներ փակել են Ստեփանակերտ-Գորիս մայրուղին։ Ադրբեջանցի «բնապահպան-ակտիվիստները» «բողոքում են ռուս խաղաղապահների ժամանակավոր վերահսկողության տակ գտնվող տարածքում հանքավայրերի ապօրինի շահագործման դեմ»։ Արդեն 11-րդ օրն է՝ Ադրբեջանը շարունակում է արգելափակված պահել Արցախը Հայաստանին միացնող միակ ճանապարհը։
