Կիևի մարզում ուղղաթիռի վթարի հետևանքով զոհվել է Ուկրաինայի ներքին գործերի նախարարության ղեկավարությունը՝ նախարար Դենիս Մոնաստիրսկին, առաջին տեղակալ Եվգենի Ենինը ու պետքարտուղար Յուրի Լուբկովիչը․ այս մասին Ֆեյսբուքի իր էջում տեղեկացրել է Ուկրաինայի Ազգային ոստիկանության պետ Իգոր Կլիմենկոն։
Արտակարգ իրավիճակների ծառայության ուղղաթիռը ընկել է բնակելի տան ու մանկապարտեզի միջև։ Վթարի վայրում հրդեհ է բռնկվել։
«Ընդհանուր առմամբ դեռ հայտնի է 16 զոհվածների մասին, որոնցից երկուսը՝ երեխաներ։ Զոհվածներից 9-ը ուղղաթիռում են գտնվել։ 22 տուժածներ տեղափոխվել են հիվանդանոցներ, այդ թվում՝ 10 երեխա»,- գրել է Կլիմենկոն։
Պատճառների մասին դեռ ոչինչ չի հաղորդվում։
