Հայաստանը հուշագիր է ներկայացրել Արդարադատության միջազգային դատարան՝ Ադրբեջանի դեմ «Ռասայական խտրականության բոլոր ձևերի վերացման մասին միջազգային կոնվենցիայի» կիրառման գործով, հայտնում է Միջազգային իրավական հարցերով ՀՀ ներկայացուցիչ Եղիշե Կիրակոսյանը։
«2023-ի հունվարի 23-ին Հայաստանը Ադրբեջանի դեմ «Ռասայական խտրականության բոլոր ձևերի վերացման մասին միջազգային կոնվենցիայի» մեկնաբանման և կիրառման գործով Արդարադատության միջազգային դատարան է ներկայացրել հուշագիր, որը մանրամասն ներկայացնում է Ադրբեջանի կողմից կոնվենցիայի՝ տասնամյակներ շարունակվող կոպիտ խախտումները»,- Թվիթերի իր էջում գրել է Կիրակոսյանը։
On 23 January 2023, Armenia filed its Memorial at the #ICJ in the case concerning the interpretation and application of the #ICERD against Azerbaijan, which provides detailed accounts of decades-long grave violations of the #ICERD by #Azerbaijan
— Yeghishe Kirakosyan (@YeghisheK) January 24, 2023
Հայաստանն Ադրբեջանի դեմ հայց է ներկայացրել ՄԱԿ-ի Արդարադատության միջազգային դատարան Ռասայական խտրականության վերացման կոմիտեի վարույթի շրջանակներում: Դատարանը Հայաստանի դիմումի վերաբերյալ լսումներ կանցկացնի հունվարի 30-ին:
