Ֆրանսիայի նախագահ Էմանուել Մակրոնը հունվարի 23-ին Ելիսեյան պալատում ֆրանսիացի մտավորականների հետ քննարկել է Արցախում տիրող իրավիճակը։
Մասնավորապես, Մակրոնի հետ հանդիպմանը ներկա են եղել Պասկալ Բրուքները (գրող), Օլիվյե Վեբերը (գրող), Սիլվեն Տեսսոն (ճանապարհորդ), Ժան-Քրիստոֆ Բյուսոն (լրագրող) և Յուրի Ջորկաեֆը։
«Սիլվեն Տեսսոն, Պասկալ Բրուքները, Օլիվյե Վեբերը, Յուրի Ջորկաեֆը և ես հյուրընկալվել ենք նախագահ Էմանուել Մակրոնի մոտ։ Ֆրանսիայի մտավորականության անունից մենք մեր վրդովմունքն ենք հայտնել արցախահայության ողբերգության նկատմամբ անտարբերության կապակցությամբ, որոնց ադրբեջանցիները սպառնում են էթնիկ զտումներով»,- Թվիթերի իր էջում գրել է Le Figaro ամսագրի փոխտնօրեն, լրագրող Ժան-Քրիստոֆ Բյուսոն։
#SylvainTesson, Pascal Bruckner, Olivier Weber et moi avons été reçus avec @youridjorkaeff par @EmmanuelMacron. Nous lui avons dit notre colère,au nom du monde intellectuel 🇲🇫, devant l'indifférence au drame des #Armeniens d'#Artsakh, menacés d'épuration ethnique par les Azéris.
— J-Christophe Buisson (@jchribuisson) January 23, 2023