Թեհրանում Ադրբեջանի դեսպանատան վրա զինված հարձակում է տեղի ունեցել, հաղորդում է Ադրբեջանի ատաքին գործերի նախարարությունը։
Ըստ հաղորդագրության՝ հարձակում գործած անձը ժամը 8:30-ին մուտք է գործել պահակակետ, «Կալաշնիկով» ինքնաձիգով սպանել է անվտանգության ծառայության ղեկավարին:
Դեսպանատան ևս երկու աշխատող վիրավորվել է, նրանց վիճակը գնահատվում է բավարար:
Ադրբեջանի ԱԳՆ-ն նշում է, որ ներկայում քննություն է ընթանում:
Իրանական Mehr գործակալության փոխանցմամբ՝ Թեհրանի ոստիկանության պետը հայտարարել է, որ դեսպանատան վրա հարձակում գործած անձն անմիջապես ձերբակալվել է։ Նա հաստատել է, որ հարձակման հետևանքով մեկ մարդ զոհվել է, երկուսը՝ վիրավորվել։
Թեհրանի ոստիկանապետը նշել է, որ հարձակում գործած անձը ներխուժել է, երբ դեսպանատան աշխատակիցներից մեկը մուտք է գործել դեսպանատուն։ Նրա խոսքով՝ հարձակվողը դեսպանատուն է մտել իր երկու անչափահաս երեխաների հետ. «Նախնական քննությունը ցույց է տալիս, որ հարձակվողի շարժառիթը եղել են անձնական և ընտանեկան խնդիրներով պայմանավորված»։
