Արցախի նախագահ Արայիկ Հարությունյանը նախաձեռնել է Սահմանադրության փոփոխության գործընթաց, հայտնում են Արցախի նախագահի աշխատակազմից։
«Արայիկ Հարությունյանն ստորագրել է հրամանագիր, համաձայն որի՝ նախաձեռնվել է Սահմանադրության փոփոխության գործընթաց՝ ռազմական դրության ժամանակ Հանրապետության նախագահի պաշտոնը թափուր մնալու դեպքում Ազգային ժողովի կողմից նախագահի ընտրության և դրա առանձահատկությունների վերաբերյալ»,- ասված է հաղորդագրությունում։
Փետրվարի 13-ին Արցախի Սահմանադրության փոփոխության նախագիծը ներկայացվել է Ազգային ժողովի քննարկմանը:
***
2022-ի մայիսին Արցախի նախագահ Արայիկ Հարությունյանը կրկին Սահմանադրական փոփոխությունների նախաձեռնությամբ էր հանդես եկել։ Սահմանադրական բարեփոխումների հայեցակարգի նախագծում ասվում էր, որ Արցախում խորհրդարանական և նախագահական ընտրություններն անցկացվելու են առանձին՝ համապատասխանաբար 2023 և 2024 թվականներին: Նախատեսվում էր նաև նախագահական համակարգից անցում կատարվել կառավարման կիսանախագահական համակարգի:
2022-ի նոյեմբերին Արայիկ Հարությունյանը հետ էր կանչել Սահմանադրության փոփոխության նախագիծը՝ «ներքին պառակտումից ու լարվածությունից» խուսափելու համար։