Արհեստական բանականությունը հաղթում է մարդկանց. «Կրթության տապան»

Մեծ արհավիրք է գալիս։ Գալիս է հողմ, որը տակնուվրա է անելու ամեն ինչ։ Իսկ մենք ապրում ենք, կարծես ոչինչ չի փոխվել։ Կրթության մարդիկ իրենց սովորական առօրյան են անցկացնում դպրոցում, և նրանց չնչին մասը կարող է մեկ-երկու անգամ գործընկերների հետ քննարկած կամ ականջի ծայրով լսած լինի ինչ-որ ChatGPT-ի մասին, որը, կարծես, բավական խելոք է։ Շտապում եմ ձեզ ուրախացնել՝ ոչ միայն խելոք է, այլև կարողանում է շատ բաներ անել ավելի լավ, քան մարդիկ։ Եվ սա շատ բան է փոխելու մարդկանց կյանքում։ Սա այն տեխնոլոգիան չէ, որ եկել է օգնելու մարդկանց։ Այն եկել է մեզ փոխարինելու։