Ադրբեջանական սադրանք, լարվածություն և հոսպիտալացում․ ինչ են պատմում արցախցիները

Ապրիլի 4-ին ռուս խաղաղապահները փորձել են Գորիսից Արցախ տեղափոխել քսանյոթ քաղաքացիների (ներառյալ՝ երեխաների, կանանց ու տարեցների), սակայն Գորիս-Ստեփանակերտ մայրուղու արգելափակված հատվածում ադրբեջանցիները արգելել են տրանսպորտային միջոցների երթևեկությունը: Ադրբեջանցիների միջամտության պատճառով վատացել է արցախցիներից չորսի ինքնազգացողությունը, նրանք տեղափոխվել են Ստեփանակերտի հիվանդանոց: Ռուսական կողմի և ադրբեջանցիների միջև շուրջ հինգժամյա ապարդյուն բանակցություններից հետո արցախցիներից քսանչորսը վերադարձել են Գորիս։ ՍիվիլՆեթը զրուցեց նրանցից մի քանիսի հետ։