ՊԵԿ-ը նախապատրաստվում է Մարգարայի անցակետի գործարկմանը

Պետական եկամուտների կոմիտեն նախապատրաստական աշխատանքներ է իրականացնում, որ երրորդ երկրների քաղաքացիների համար Հայաստան-Թուրքիա սահմանի բացման դեպքում մաքսային ընթացակարգերը սահուն հունով կիրառվեն: Այդ մասին կառավարության ապրիլի 6-ի նիստից հետո լրագրողների հետ զրույցում ասաց ՊԵԿ նախագահ Ռուստամ Բադասյանը։

«Երրորդ երկրի քաղաքացիների և դիվանագիտական անձնագիր ունեցողների համար ընթացող բանակցությունների մասին գիտեք։ Մենք հիմա այլ պետական մարմինների հետ միասին նախապատրաստվում ենք հնարավորինս արագ, եթե վերջնական որոշումը կայացվի, որպեսզի այդ սահմանային կետը գործի։ Այսինքն, իրականացնում ենք նախապատրաստական աշխատանքներ մաքսային ընթացակարգերն այդտեղ սահուն հունով կիրառելու համար»,- նշեց Բադասյանը։

***

Հայաստանի արտաքին գործերի նախարար Արարատ Միրզոյանը փետրվարի 15-ին մեկնել էր Թուրքիա, հանդիպել թուրք գործընկերջ հետ։ Թուրքիայից վերադառնալուց հետո Միրզոյանը հայտարարել էր, որ Հայաստանն ու Թուրքիան նպատակ ունեն մինչև զբոսաշրջային սեզոնի մեկնարկը սահմանը բացել երրորդ երկրների քաղաքացիների ու դիվանագիտական անձնագիր ունեցող անձնանց համար։

Փետրվարի 11-ին Հայաստանը երկու խմբաքանակով մարդասիրական օգնություն էր ուղարկել երկրաշարժից տուժած Թուրքիային։ Բեռնատարներն անցել էին Արմավիրի մարզում գտնվող Մարգարայի կամրջով։ Սա 1993-ից ի վեր հայ-թուրքական փակ սահմանը հատելու եզակի դեպքերից է։