Որտե՞ղ է Հայաստանը թվային փոխակերպման ճանապարհին․ Doing Digital Forum

Ի՞նչ պետք է անեն ընկերությունները թվային փոխակերպումների դարաշրջանում և որտե՞ղ է Հայաստանը թվային փոխակերպումների քարտեզին։ Ապրիլի 5-ին Spring PR-ն ու Ամերիաբանկը Doing Digital Forum-ի շրջանակներում միավորեցին ոլորտի առաջատարներին՝ քննարկելու թվային փոխակերպման փորձն ու հնարավորությունները ֆինանսական և այլ ոլորտներում։ Միջոցառմանը հրավիրված էին ոլորտի առաջատար մասնագետները, որոնց շարքում էր The Financer-ի հիմնադիր, բանկային և ֆինանսական ոլորտում 35 տարվա փորձ ունեցող Քրիս Սքիները։ Նրա խոսքով՝ Հայաստանը տարածաշրջանում կարող է դիրքավորվել որպես թվայնացման և ֆինանսական տեխնոլոգիաների հանգույց։