Պաշտպանության նախարարի մամուլի խոսնակ Արամ Թորոսյանն անդրադարձել է ԱՄՆ կողմից կազմակերպվող Defender 2023 զորավարժությանը Հայաստանի մասնակցության հարցին։
«Պաշտպանության նախարարությունը ընթացիկ տարում ծրագրում է մասնակցել Եվրոպայում ԱՄՆ ցամաքային զորքերի հրամանատարության կողմից կազմակերպվող երկու այլ զորավարժությունների՝ KFOR (Կոսովոյի ուժեր) և Saber Junction (Միաձուլված սուր) զորավարժություններին»,- Թվիթերի իր էջում գրել է Թորոսյանը։
Ապրիլի 6-ին Պենտագոնի կայքում Defender 2023 բազմազգ զորավարժության մասին հաղորդագրության մեջ մասնակից երկրների ցուցակում նշված էր նաև Հայաստանը: Որոշ ժամանակ անց, սակայն, ԱՄՆ պաշտպանական գերատեսչությունը խմբագրեց հաղորդագրությունը, և Հայաստանն այլևս մասնակիցների ցանկում ներառված չէր:
The Ministry of Defence is planning to participate in two other exercises organized by the #US Army Europe Command this year: #KFOR and Saber Junction. pic.twitter.com/hq5zgA6uC5
— Aram Torosyan (@ToroseanAram) April 7, 2023