Այսօր Արարատյան դաշտում և նրա նախալեռնային գոտում, Տավուշի և Սյունիքի հովիտներում բարձր կարգի հրդեհավտանգ իրավիճակը կպահպանվի. զգուշացնում է ՀՀ արտակարգ իրավիճակների նախարարությունը:
Հանրապետության տարածքում` օգոստոսի 29-ին սպասվում է առավելապես առանց տեղումների եղանակ, 30-31-ին հյուսիսային շրջաններում, սեպտեմբերի 1-ին և 2-ին շրջանների զգալի մասում գիշերվա առաջին կեսին և երեկոյան ժամերին սպասվում է կարճատև անձրև և ամպրոպ: Քամին հարավային` 3-8 մ/վրկ, ամպրոպի ժամանակ սպասվում է քամու ուժգնացում` 18-23 մ/վրկ: Օդի ջերմաստիճանը 30-31-ը և սեպտեմբերի 1-2-ն աստիճանաբար կնվազի 7-9 աստիճանով:
Երևանում` օգոստոսի 29-31-ին սպասվում է առանց տեղումների եղանակ: Սեպտեմբերի 1-ին և 2-ին` երեկոյան ժամերին, հնարավոր է կարճատև անձրև և ամպրոպ, ամպրոպի ժամանակ սպասվում է քամու ուժգնացում` 18-23 մ/վրկ:
