Հայաստանյան բուհերն անհասանելի են Արցախի դիմորդներին

Արդեն հինգ ամսից ավելի շարունակվող շրջափակումը լուրջ խնդիր է առաջացնում Արցախի այն դիմորդների համար, որոնք պետք է սովորեն Հայաստանի բուհերում։ Արցախի Գնահատման և թեստավորման կենտրոնի տվյալներով՝ այս տարի հայտագրվել է 572 դիմորդ, որոնցից շուրջ 200-ը դիմել է Հայաստանի բուհեր ընդունվելու համար։ 27 դիմորդ պետք է հանձնի ներբուհական քննություն, այսինքն՝ նրանք շրջափակման խնդրին առերեսվելու են արդեն հունիսին, քանի որ քննությունը պետք է հանձնվի Հայաստանում։ Արցախի ԿԳՄՍՆ-ից խոսել են ներբուհական քննությունները հանձնելու հնարավոր տարբերակների մասին։