Մենք տեսնում ենք, թե ինչպես է տարեցտարի, եթե ոչ օրեցոր զարգանում ռազմաարդյունաբերության ոլորտը, ստեղծվում են հարձակողական միջոցներ։ Զուգահեռ՝ մարդիկ փորձում են գտնել դրանց հակազդող միջոցներ։ Դժվար չէ պատկերացնել՝ ինչ կլինի, եթե հակատանկային հրթիռային համալիրից հարվածեն տանկին․ այն կա՛մ շարքից դուրս կգա, կա՛մ էլ կվնասվի։ Բայց փաստորեն հնարավոր է տանկի զրահի կառուցվածքը փոփոխել այնպես, որ այն անդրադարձնի հրթիռի հարվածը։
Ռազմական տեխնիկայի ապագայի և դրանում գիտական լուծումների կիրառության մասին ՍիվիլՆեթը զրուցել է Վուրսթերի պոլիտեխնիկական ինստիտուտի ավիատիեզերական ինժեներիայի դոկտոր, Հայաստանի ամերիկյան համալսարանի դասախոս Հրաչյա Քոչարյանի հետ։
