Հենրիկ Մալյանի անվան կինոդերասանի թատրոնը նոր թատերաշրջան է սկսում: Բացումը կկայանա սեպտեմբերի 15-ին «Հեքիաթներ» ներկայացմամբ, որը ժամանակին բեմադրել է Հենրիկ Մալյանը: Այն կցուցադրվի նաև սեպտեմբերի 30-ին:
Սեպտեմբերին թատրոնում կխաղացվեն Վիլյամ Սարոյանի «Պատմություններ գնացքում»-ը և Աղասի Այվազյանի «Ցեղի ֆիզիոլոգիան»` Նարինե Մալյանի բեմադրությամբ, ինչպես նաև Նիկոլայ Գոգոլի «Ամուսնությունը»՝ Վահան Խաչատրյանի բեմադրությամբ:
Այս խաղաշրջանում թատրոնը նաև պրեմիերաներ կունենա: Սեպտեմբերի վերջին և հոկտեմբերին բեմում կլինի «Ռոսինանտ» ներկայացումը Խաչիկ Չալիկյանի բեմադրությամբ և «Կարոտը»՝ ըստ Հրաչյա Քոչարի, բեմադրիչ՝ Նարինե Մալյան:
