Ստամբուլում ընթացող Շախմատի համաշխարհային օլիմպիադայում Հայաստանի տղամարդկանց հավաքականը վերջին տուրում 2.5։1.5 հաշվով առավելության հասավ Հունգարիայի հավաքականի նկատմամբ։ Մեր հավաքականին կեսական միավոր բերեցին Լևոն Արոնյանը, Վլադիմիր Հակոբյանը և Գաբրիել Սարգսյանը, իսկ հաղթական մեկ միավորը վաստակեց Սերգեյ Մովսեսյանը։
Մեր հիմնական մրցակիցներից Չինաստանը 1։3 հաշվով պարտվել է Ուկրաինային, իսկ Ռուսաստանը 3։1 հաշվով հաղթել է գերմանացիներին։ Հայաստանն ու Ռուսաստանը վաստակում են հավասար միավորներ՝ 19, և չեմպիոնը կորոշվի լրացուցիչ ցուցանիշներով։ Այստեղ առավելություն ունի մեր հավաքականը և մեծ է հավանականությունը, որ հենց նա էլ կդառնա չեմպիոն։
Օլիմպիադայի պաշտոնական հեռուստաալիքը Հայաստանին անվանեց օլիմպիական չեմպիոն, բայց սպասում ենք…
Մարզական գործընկեր` SportArmenia.com