Բրազիլիայի հավաքականի և«Բարսելոնայի» պաշտպան Դանի Ալվեսը քննադատել է Մադրիդի«Ռեալի» ղեկավարությանը, ովքեր իր հայրենակից Կակային խաղաժամանակ չեն տրամադրում:
«Եթե ես լինեի Կակայի փոխարեն, ապա վաղուց հեռացած կլինեի «Ռեալից»: Ես տխրում եմ, երբ ամեն անգամ նրան տեսնում եմ պահեստայինների նստարանին, չէ որ նա հիասքանչ խաղացող է:
Նա հասել է այնպիսի բարձունքների, որի մասին շատ ֆուտբոլիստներ կարող են երազել` Կական դարձել է աշխարհի լավագույն ֆուտբոլիստ, իսկ այժմ անգամ տարրական հարգանքի չի արժանանում: Ինչ վերաբերում է ինձ, ապա ես ընդհանրապես չեմ հարգում «Ռեալի» ղեկավարությանը»- Դանի Ալվեսի խոսքերն է մեջբերում Football Espana-ն:
