Հայաստանի Մ16 հավաքականը կմասնակցի Թուրքմենստանի նախագահի գավաթի խաղարկությանը

Սեպտեմբերի 20-ին կմեկնարկի Թուրքմենստանի նախագահի գավաթի միջազգային բաց առաջնությունը, որին մասնակցող 9 ընտրանիների թվում է նաև Հայաստանի Մ16 հավաքականը: Հանդիպումները կանցկացվեն երկրի մայրաքաղաք Աշխաբադում` «Կոպետդագ» և «Աշխաբադ» մարզադաշտերում:

Վիճակահանության արդյունքով հավաքականները բաժանվել են երկու խմբի: Մեր պատանիներն ընդգրկվել են A խմբում` Թուրքմենստանի, Ռուսաստանի, Ղրղզստանի և Ղազախստանի հավաքականների հետ: B խումբը կազմել են Ուկրաինան, Ուզբեկստանը, Տաջիկստանը և Բելառուսը:

Հիշեցնենք, որ այս մրցաշարին նախապատրաստվելու շրջանակներում մեր պատանիները ստուգողական հանդիպում էին անցկացրել Ճապոնիայի Մ17 հավաքականի հետ` զիջելով 0:7 հաշվով:

Նշենք, որ այս գավաթի խաղարկությունն ավելի վաղ անցկացվում էր ամեն տարի փետրվարին, սակայն Թուրքմենստանի նախագահի առաջարկով այն այսուհետ կանցկացվի սեպտեմբերին:

Ներկայացնում ենք Հայաստանի Մ16 հավաքականի խաղացանկը.

Սեպտեմբերի 20 (հինգշաբթի)

14.00 Հայաստան– Ղրղզստան (1-ին տուր, խումբ А), «Աշխաբադ» մարզադաշտ

Սեպտեմբերի 21 (ուրբաթ)

14.00 Ղազախստան– Հայաստան (2-րդ տուր, խումբ А), «Աշխաբադ» մարզադաշտ

Սեպտեմբերի 22 (շաբաթ)

17.00 Հայաստան – Թուրքմենիստան (3-րդ տուր, խումբ А), «Աշխաբադ» մարզադաշտ

Սեպտեմբերի 24 (երկուշաբթի)

14.00 Ռուսաստան – Հայաստան (4-րդ տուր, խումբ А), «Աշխաբադ» մարզադաշտ

Սեպտեմբերի 27-ին կկայանան կիսաեզրափակիչ, իսկ երկու օր անց` եզրափակիչ հանդիպումները:

Մարզական գործընկեր` SportArmenia.com