Հայաստանի հավաքականի և Դոնեցկի «Շախտյորի» կիսապաշտպան Հենրիխ Մխիթարյանը «Սպորտ Էքսպրես» թերթի անցկացրած հարցման արդյունքներով ճանաչվել է ԱՊՀ օգոստոս ամսվա լավագույն ֆուտբոլիստ: Մխիթարյանը հավաքել է 62 միավոր և առաջ է անցել երկրորդ հորիզոնականը զբաղեցրած «Անժիի» դարպասապահ Վլադիմիր Գաբուլովից:
Նշենք, որ Հենրիխ Մխիթարյանը 2012թ.-ին արդեն երրորդ անգամ է ճանաչվում ԱՊՀ ամսվա լավագույն ֆուտբոլիստ կոչմանը: Ավելի վաղ նա նման պատվի արժանացել էր մայիս և հուլիս ամիսներին:
«Սպորտ Էսպրեսը» յուրաքանչյուր տարի անցկացնում է նմանատիպ մրցույթ, որի արդյունքներով տարվա վերջում որոշում է ԱՊՀ լավագույն ֆուտբոլիստին: Օգոստոսին հաղթելուց հետո Մխիթարյանն ընդհուպ մոտեցել է ընդհանուր հաշվարկի առաջատար Ալեքսանդր Կերժակովին և միայն 1 միավոր է զիջում նրան:
Օգոստոս ամսվա լավագույն ֆուտբոլիստները՝ ըստ «Սպորտ Էքսպրեսի»՝
| Անուն | Միավոր |
| Հոնրիխ Մխիթարյա | 62 |
| Վլադիմիր Գաբուլով | 49 |
| Ալեքսանդր Կերժակով | 35 |
| Անդրեյ Դիկան | 32 |
| Անդրեյ Յարմոլենկո | 29 |
Ընդհանուր հաշվարկ՝
| Անուն | Միավոր |
| Ալեքսանդր Կերժակով | 207 |
| Հենրիխ Մխիթարյան | 206 |
| Իգոր Դենիսով | 111 |
| Պավել Պոգրեբնյակ | 97 |
| Անդրեյ Արշավին | 77 |
Նշենք, որ «Սպորտ Էքսպրեսի»-ի հարցմանը մասնակել են 15 երկրի լրագրողներ և պորտալի երկրպագուները։
Մարզական գործընկեր` SportArmenia.com
