Չինաստանի վարչապետ Վեն Ցզյաբաոն ԵՄ-Չինաստան գագաթաժողովի ընթացքում պահանջել է, որ Եվրամիությունը վերացնի Չինաստանին զենքի մատակարարման էմբարգոն, հաղորդում է BBC-ն։
Չինաստանին զենք վաճառելու արգելքը սահմանվել է 1989թ․ Տյանանմեն հրապարակում ցույցերի բռնի ճնշումից հետո։
Վեն Ցզյաբաոն նաև ԵՄ-ին կոչ է արել չեղյալ հայտարարել չինական ապրանքների մաքսատուրքերը։ Եվրամիությունը Չինաստանի արտահանման խոշորագույն շուկան է։
Եվրոպայում BBC-ի թղթակիցը հաղորդում է, որ Պեկինում ղեկավարության գալիք փոփոխությունը հետաքրքրություն և որոշակի անհանգստություն է առաջացնում Բրյուսելում, քանի որ Վեն Ցզյաբաոն լքելու է իր պաշտոնը։