Դամասկոսի կենտրոնում այսօր առավոտյան տեղի է ունեցել երկու հզոր պայթյուն։
Ինչպես հաղորդում է Սիրիայում BBC-ի թղթակիցը, առաջին պայթյունը տեղի է ունեցել սիրիական հեռուստատեսության գլխավոր շենքի մոտ։
Սիրիական լրատվամիջոցների տեղեկություններով՝ երկրորդ պայթուցիկը գործի է դրվել Սիրիայի պաշտպանության նախարարության շենքի մոտ, սկսվել է հրդեհ։
Հնարավոր զոհերի մասին առայժմ չի հաղորդվում։
«Երկու պայթյունն էլ ահաբեկիչների ձեռքի գործն են»,- հաղորդում է սիրիական պետական մամուլը։
Նախօրեին Դամասկոսում կրկնակի պայթյուն էր տեղի ունեցել զինվորական վարժարանի շենքի մոտ․ զոհվել էին տասնյակ սպաներ։
Երեկ ՄԱԿ-ի գլխավոր քարտուղար Բան Կի Մունը հայտարարել է, որ Սիրիայում հակամարտության երկու կողմերն էլ իրականացնում են հանցագործություններ, և դրան հարկ է վերջ դնել։
Հիշեցնենք՝ սիրիական ճգնաժամը շարունակվում է 2011թ․ մարտից։
