Արայիկ Հարությունյանը օգոստոսի 31-ին հայտարարեց Արցախի նախագահի պաշտոնից հեռանալու մասին։ Վերջին սահմանադրական փոփոխություններով ռազմական դրության ժամանակ Արցախի նախագահի հրաժարականի դեպքում նոր նախագահին ընտրում է Ազգային ժողովը, սակայն այս պահին հայտնի չէ, թե ինչ ժամկետներում։
Վերջին սահմանադրական փոփոխություններից հետո ռազմական դրության ժամանակ Արցախի նախագահի հրաժարականի դեպքում նոր նախագահին ընտրում է Ազգային ժողովը։
Առաջին պատերզմից հետո մինչ օրս, կարելի է ասել, Արցախում ռազմական դրությունը չի էլ հանվել։
Փետրվարի 13-ին Արցախի նախագահը նախաձեռնել էր Սահմանադրության փոփոխության գործընթաց։ Հունիսի 26-ին Ազգային ժողովը նախագծի Սահմանադրությանը համապատասխանությունը որոշելու հարցով դիմել էր Գերագույն դատարան: Գերագույն դատարանը Սահմանադրության նախագիծը ճանաչել է Սահմանադրությանը համապատասխանող:
Այս սահամանդրական փոփոխության նախագիծը չի հրապարակվել, hետևաբար, մի շարք մանրամասներ հայտնի չեն, օրինակ՝ թե ինչ ժամկետներում է Ազգային ժողովը նախագահ ընտրում։
Հայկ Ղազարյան, Ստեփանակերտ
Կարդացեք նաև՝
Արցախի Սահմանադրության փոփոխության նախագիծը վերաբերում է մեկ հոդվածի, որը հանրաքվեով չի փոփոխվելու
Ինչ է նշանակում Արցախի Սահմանադրության փոփոխությունը․ պարզաբանում է իրավաբանը
