Սեպտեմբերի 6-ին ԱՄՆ Կոնգրեսի մարդու իրավունքների հանձնաժողովում լսումներ կանցկացվեն Լաչինի միջանցքի շարունակվող շրջափակման հետևանքով Լեռնային Ղարաբաղում ստեղծված իրավիճակի վերաբերյալ։
Լսումներին հրավիրված է Միջազգային քրեական դատարանի նախկին դատախազ Լուիս Մորենո Օկամպոն։
«Ողջամիտ հիմքեր կան պնդելու, որ 2023-ին Լեռնային Ղարաբաղում բնակվող հայերի նկատմամբ ցեղասպանություն է իրականացվում»,- Օկամպոյի զեկույցից մեջբերել է Կոնգրեսի Մարդու իրավունքների հանձնաժողովը։
Լսումների երկրորդ բանախոսն է Կոլումբիայի համալսարանի պրոֆեսոր Դեյվիդ Ֆիլիփսը, որը Ադրբեջանի կառավարության մտադրությունների մասին զեկույց է ներկայացնելու։