Բրիտանական դեսպանատան աջակցությամբ «Սիրահարների այգում» բացվել է հանրային վայրում հեծանիվների առաջին կայանատեղին։
-
Հալէպահայերը Երեւանի մէջ հաւաքուելու տեղ չունին. Յակոբ Միքայէլեան
Հայաստան հաստատուած հալէպահայերը առանձին հաւաքատեղի չունին Երեւանի մէջ, ուր կրնան ստեղծել իրենց մշակութային առօրեան։ Այդ իսկ պատճառով ցարդ կարելի չէ եղած Երեւանի մէջ Հալէպի Պետրոս Ադամեան թատերախումբի գործունէութիւն կազմակերպել։ Այս մասին Սիվիլնեթի «Հայասք» ծրագրէն Աբօ Պողիկեանին հետ զրուցեց հրապարակագիր, բեմադրիչ, մանկավարժ Յակոբ Միքայէլեան։ Պետական համապատասխան կառոյցները արեւմտահայերէն թատրոն ստեղծելու ուղղութեամբ հետեւողական չեն ու շօշափելի աջակցութիւն ցոյց չեն տուած ու ցոյց չեն տար, կ՝ըսէ ութ տարի առաջ Հայաստան փոխադրուած վաստակաւոր գործիչը։ Միքայէլեան անդրադարձաւ նաեւ Հայաստանի մէջ արեւմտահայերէնի պահպանման ու զարգացման դժուարութիւններուն։
-
Քննչական կոմիտեն հորդորում է «Սուրմալու»-ից ձեռք բերած հրավառության նյութերը հանձնել
Քննչական կոմիտեն հորդորում է բոլոր այն քաղաքացիներին, ովքեր «Սուրմալու» առևտրի կենտրոնից ձեռք են բերել, սակայն դեռևս չեն օգտագործել հրավառության համար նախատեսված նյութեր և պարագաներ, դրանք չօգտագործել և նշված իրերը ներկայացնել ՀՀ ոստիկանության՝ իրենց բնակության վայրի բաժիններ: «Նշված գործողությունը քաղաքացիների համար չի առաջացնի որևէ իրավական հետևանքներ»,- ասված է ՔԿ-ի հայտարարությունում։ *** Oգոստոսի 14-ին` ժամը 13։20-ի սահմաններում «Սուրմալու» առևտրի կենտրոնում տեղի է ունեցել պայթյուն՝ հրդեհի բռնկմամբ և փլուզումով։ Մասնակի փլուզվել է եռհարկանի շինություն, փլատակներն ընդգրկում են 8000-9000 քմ տարածք։ Երևանի քաղաքապետարանից հայտնել են, որ Սուրմալու շուկայում պայթել է հրավառությունների նյութերի համար նախատեսված պահեստը։ Պայթյունի հետևանքով զոհվել է առնվազն 16 քաղաքացի, նրանցից 15-ի […]
-
Քաղաքացիները ծաղիկներ են խոնարհում՝ ի հիշատակ «Սուրմալու»-ում զոհվածների
«Սուրմալու» առևտրի կենտրոնում օգոստոսի 14-ին տեղի ունեցած պայթյունից հետո որոնողափրկարարական աշխատանքները շարունակվում են։ Պայթյունը խլել է առնվազն 16 կյանք։ Հայաստանում օգոստոսի 17-18-ը սգո օրեր են հայտարարվել։ Քաղաքացիները առևտրի կենտրոնի տարածքում ծաղիկներ են խոնարհում՝ ի հիշատակ զոհվածների։
-
Ով պետք է պատասխան տա «Սուրմալու»-ի պայթյունի համար. զրույց Դավիթ
«Սուրմալու» առևտրի կենտրոնի պայթյունը ցույց տվեց, թե որքան թույլ են նմանատիպ վտանգավորության օբյեկտների գործունեության նկատմամբ վերահսկողության մեխանիզմները, կարծում է Երևանի ավագանու «Լույս» խմբակցության անդամ Դավիթ Խաժակյանը: Նրա խոսքով՝ ոլորտը կարգավորող վարչարարությունը պետք է խստացնել, ինչպես նաև հետևել դրա պատշաճ կիրառմանը: Դրա հետ մեկտեղ, նա առաջարկում է արգելել մասնավոր հրավառությունները Հայաստանում:
-
Ռուսաստանը Հայաստանի ԱԳՆ-ին բողոքի նոտա է հղել
Հայաստանում Ռուսաստանի դեսպանությունը բողոքի նոտա է հղել ՀՀ արտաքին գործերի նախարարությանը՝ «Սուրմալու»-ի դեպքերի հետ կապված։ «Վրդովված ենք տեղական տեղեկատվական դաշտում արծարծվող ցինիկ նյութերից, որոնցում անարգական և կեղծ մեղադրանքներ են հնչում ռուսական կառույցների հասցեին՝ օգոստոսի 14-ին «Սուրմալու» առևտրի կենտրոնի տարածքում տեղի ունեցած ողբերգության հետ առնչություն ունենալու համար: Սա դիտարկում ենք որպես ուղղակի սադրանք նման անհեթեթությունների հետևում կանգնած քաղաքական ուժերի կողմից՝ ուղղված ռուս-հայկական դաշնակցային հարաբերությունների խաթարմանը։ Հայաստանի իշխանություններից ակնկալում ենք քայլեր՝ ուղղված նման ոչ բարեկամական դրսևորումների կանխմանը, ներառյալ՝ անհրաժեշտ հրապարակային մեկնաբանությունները»,- նշում են ՌԴ դեսպանատնից։ Նշվում է նաև, որ ռուսական կողմը՝ ի դեմս ռուս-հայկական մարդասիրական արձագանքման կենտրոնի, առաջին րոպեներից ներգրավված է պայթյունի […]
-
«Սուրմալու»-ի պայթյունի գործով մեղադրյալներ չկան․ Դատախազություն
«Սուրմալու» առևտրի կենտրոնում տեղի ունեցած պայթյունի գործով մեղադրյալներ չկան, այս մասին Ֆեյսբուքի իր էջում գրել է Գլխավոր դատախազի խորհրդական Գոռ Աբրահամյանը՝ արձագանքելով մամուլի հրապարակումներին։ Դատախազության օգոստոսի 16-ին տարածած հաղորդագրության համաձայն՝ նախաձեռնված վարույթի շրջանակներում իրականացվում են դեպքի բոլոր հանգամանքները, հատկապես պայթյունի առաջացման պատճառները,տարածքում անվտանգության և հակահրդեհային կանոնների պահպանվածության վիճակը, պատասխանատու անձանց շրջանակը հստակեցնելու ուղղությամբ անհրաժեշտ գործողություններ: «Քննիչների և փորձագետների կողմից սկսվել է իրականացվել դեպքի վայրի մասնակի զննություն: Հաշվի առնելով, որ դեպքի վայրում դեռևս շարունակվում են հովացման, ինչպես նաև փրկարարական-որոնողական աշխատանքները՝ դեռևս հնարավոր չի դարձել մոտենալ հրդեհի և պայթյունի առաջացման առաջնային օջախին՝ պատճառներին վերաբերող տվյալների ձեռքբերման համար անհրաժեշտ գործողություններն իրականացնելու համար: Վերջինս […]
-
Նախնական «Սուրմալու»-ի տարածքում մինչև 4 տոննա պայթուցիկ նյութ է եղել.
Նախնական գնահատականներով նախքան պայթյունը «Սուրմալու»-ի տարածքում 4 տոննա պայթուցիկ նյութեր են եղել։ Ինչպես տեղեկացնում է «Արմենպրես»-ը, լրագրողների հետ զրույցում այս մասին ասել է արտակարգ իրավիճակների նախարար Արմեն Փամբուխչյանը: Հարցին՝ նկուղային, պահեստային հատվածներում դեռ կարող են լինել պայթուցիկ նյութեր, նախարարը նշել է, որ տարածքի 50-60 տոկոսն արդեն մաքրվել է և եթե լինեին այդպիսի նյութեր, ապա դրանք արդեն գտած կլինեին․ «Նախնական գնահատականներով, 4 տոննա են եղել նախքան պայթյունը»,- հավելել է նախարարը: Նա հայտնել է, որ շարունակվում են քաղաքացիների որոնողափրկարարական աշխատանքները «Սուրմալու» առևտրի կենտրոնի այն կառույցի այն հատվածում, որը չի փլուզվել։ «Ներկա պահին հարկ եղած դեպքում տեղ-տեղ մասամբ կատարվում են հովացման աշխատանքներ։ Ինտենսիվ […]
