Սեպտեմբերի 19-ին Ադրբեջանը լայնամասշտաբ հարձակում է սկսել Արցախի դեմ։ Երևանում՝ կառավորության դիմաց մի խումբ արցախցիներ են հավաքվել։ Նրանք խնդրի անհապաղ և արագ լուծում են պահանջում՝ ի աջակցություն Արցախում գտնվող հայրենակիցների։ Նույն պահին ցույց է իրականացվում նաև Հայաստանում Ռուսաստանի դեսպանատան առջև։
-
Արմեն Գրիգորյանը հանդիպել է Իրանի Զինված ուժերի Գերագույն շտաբի պետ
ՀՀ ԱԽ քարտուղար Արմեն Գրիգորյանը Իրանի Իսլամական Հանրապետություն այցի ընթացքում հանդիպել է Իրանի Զինված ուժերի Գերագույն շտաբի պետ, գեներալ-մայոր Մոհամմադ Հոսեյն Բաղերիի հետ: Ըստ հայկական կողմի պաշտոնական հաղորդագրության՝ ԱԽ քարտուղարը ներկայացրել է տարածաշրջանի անվտանգային իրավիճակը, կարևորել Իրանի դիրքորոշումը տարածաշրջանում սահմանների անձեռնմխելիության վերաբերյալ: Կողմերը կարևորել են խաղաղության հաստատումը տարածաշրջանում: Թեհրան կատարած այցի ընթացքում տարածաշրջանային հարցերը Արմեն Գրիգորյանը քննարկել է երկրի նախագահ Էբրահիմ Ռայիսիի, արտաքին գործերի նախարար Հոսեյն Ամիր Աբդոլլահիանի, Ազգային անվտանգության Գերագույն խորհրդի քարտուղար Ալի-Աքբար Ահմադիանի հետ:
-
Նրանք ՀՀ քաղաքացիներ են․ Զախարովան՝ ԼՂ նախկին նախագահների և Ռուբեն
Ռուսաստանի արտաքին գործերի նախարարության ներկայացուցիչ Մարիա Զախարովան անդրադարձել է Ադրբեջանի կողմից Լեռնային Ղարաբաղի նախկին նախագահների և նախկին պետնախարար Ռուբեն Վարդանյանի ձերբակալմանը։ «Նրանք Հայաստանի քաղաքացիներ են»,- ասել է նա։ Հարցին, թե Մոսկվան նրանց ազատելու համար ինչ-որ բան անում է, Զախարովան նշել է, որ այդ հարցը պիտի ուղղվի Հայաստանի արտաքին գործերի նախարարությանը։ «Նշված քաղաքացիները Հայաստանի քաղաքացիներ են։ Նրանցից մեկը հրաժարվել է Ռուսաստանի քաղաքացիությունից։ Մեզ ոչ ոք չի դիմել։ Մենք չունենք պաշտոնական կամ ոչ պաշտոնական դիմումներ»,- նշել է նա։
-
Այդ հանդիպման մեջ գաղտնի ոչինչ չկար․ Զախարովան՝ Ստամբուլի գաղտնի հանդիպման
Վաշինգտոնը և Բրյուսելը իրենք են նախաձեռնել հանդիպումը և խնդրել ռուսական կողմի մասնակցությունը․ Ռուսաստանի արտաքին գործերի նախարարության ներկայացուցիչ Մարիա Զախարովան հոկտեմբերի 4-ի ասուլիսին մեկնաբանել է Politico-ի հոդվածն այն մասին, որ ԱՄՆ-ի, ԵՄ-ի և Ռուսաստանի բարձրաստիճան պաշտոնյաները Արցախի դեմ Ադրբեջանի ագրեսիայից մի քանի օր առաջ գաղտնի հանդիպում են ունեցել Թուրքիայում՝ քննարկելու համար Լեռնային Ղարաբաղում տիրող իրավիճակի կարգավորումը։ «Մեզ դիմել են ԱՄՆ-ն և ԵՄ-ն, խնդրել են անցկացնել հանդիպումը։ Ես կասեի շփումներ հաստատել։ Հանդիպման նպատակը հետևյալն էր՝ փոխանակվել իրավիճակի մասին տեսակետներով»,- նշել է Զախարովան։ Նրա խոսքով՝ եթե պատմությունը արևմտյան մեդիայում սադրող բնույթ ստանա, ապա Արևմուտքի նպատակը հերթական սադրանքն էր։ Այդ հանդիպման մեջ գաղտնի ոչինչ […]
-
Սարգիս Գալստյանը՝ Արցախում Ադրբեջանի ներկայացուցի՞չ․ ազգականը չի հաստատում
Հոկտեմբերի 3-ին լրագրող Թաթուլ Հակոբյանը իր Ֆեյբուքի էջով հայտնեց, որ Շուշիի «Ավան պլազա» հյուրանոցի նախկին տնօրեն Սարգիս Գալստյանը նշանակվել է Արցախում Ադրբեջանի ներկայացուցիչ։ Սարգիս Գալստյանի ազգական Դավիթ Գալստյանը, որը Արցախի «Արդարություն» խմբակցության ղեկավարն է, ՍիվիլՆեթի հետ զրույցում ասաց, որ այդ ամենը սուտ է։ ՍիվիլՆեթի ունեցած տեղեկություններով, Գալստյանը ավարտել է Երևանի պետական համալսարանի արևելագիտության ֆակուլտետը, մասնագիտությամբ թուրքագետ է, տիրապետում է թուրքերենի։ Մինչ վերջերս եղել է Արցախի կրթության, գիտության, մշակույթի եվ սպորտի նախարարության աշխատակազմի ղեկավարի տեղակալը։ Սարգիս Գալստյանը երկար տարիներ նաև համակարգել է Ստեփանակերտի «Արփեն» ծննդաբեր մայրերի կենտրոնի աշծատանքները՝ հիմնադրված Քարոլայն և Ջորջ Նաջարյանների կողմից: Հայկ Ղազարյան
-
20 հոգով՝ մեկ տանը․ Հադրութից՝ Ասկերան, Ասկերանից՝ Երևան
Էլլադա Հովսեփյանի յոթ-հոգանոց ընտանիքը 44-օրյա պատերազմից հետո Հադրութից տեղափոխվել էր Ասկերան։ Հիմա նրանք Երևանում են և ապրում են բարեկամների տանը, որտեղ բացի տան տերերից՝ բնակվում է Արցախից տեղահանված ևս մեկ ընտանիք։ Քսան մարդու համար բնակարանը փոքր է, հատկապես, երբ երեխաները շատ են։ Սակայն տուն գտնել չի հաջողվում։ Երկու ընտանիքն էլ Արցախից հեռանալիս գրեթե ոչինչ չեն հասցրել վերցնել։
-
Ալիևը հրաժարվել է Գրանադայի հանդիպումից, մերժում է Ֆրանսիայի մասնակցությամբ բոլոր
Ադրբեջանի նախագահ Իլհամ Ալիևը հրաժարվել է հոկտեմբերի 5-ին Գրանադայում նախատեսված՝ Եվրոպական քաղաքական համայնքի գագաթաժողովին մասնակցությունից, որի շրջանակում նախատեսված էր հանդիպում վարչապետ Նիկոլ Փաշինյանի հետ։ Հնգակողմ ձևաչափով հանդիպմանը պետք է մասնակցեին Ադրբեջանի, Հայաստանի, Ֆրանսիայի, Գերմանիայի ղեկավարները, ԵՄ Խորհրդի նախագահ Շառլ Միշելը։ Ըստ պաշտոնական պատճառաբանության՝ ադրբեջանական կողմն անընդունելի է համարել Ֆրանսիայի կողմից Բաքվի հասցեին մեղադրանքները և Հայաստանին զենք մատակարարելու վերաբերյալ նրա հայտարարությունները, «մանավանդ, որ մերժվել է Թուրքիայի նախագահի մասնակցության առաջարկը»։ «Ադրբեջանը մերժում է Հայաստանի հետ բանակցությունների ցանկացած ձևաչափ, որին մասնակցելու Ֆրանսիան»,- նշում է Trend գործակալությունը։
-
ԿԲ-ն արտարժութային շուկայում կիրականացնի ներարկումներ
Հայաստանի կենտրոնական բանկը արտարժութային շուկայում կիրականացնի ներարկումներ՝ ֆինանսական շուկաների բնականոն գործունեության ապահովման նպատակով: ԿԲ-ի մամուլի ծառայությունը հայտնում է արտարժութային շուկայում գործառնությունների մասին, որն ըստ էության արտարժույթի ներարկում է ենթադրում: «ՀՀ կենտրոնական բանկը շարունակում է իրականացնել ֆինանսական շուկաների մշտադիտարկում և անհրաժեշտության դեպքում կկիրառի իր գործիքակազմում առկա բոլոր գործիքները՝ երաշխավորելով գների և ֆինանսական կայունությունը»,- ասված է հաղորդագրության մեջ: Նշենք, որ ընդամենը երկու շաբաթվա ընթացքում, համաձայն Կենտրոնական բանկի տվյալների, դրամը դոլարի նկատմամբ արժեզրկվել է 7%-ով, եվրոյի նկատմամբ` 5%-ով, սակայն շուկայում պատկերն այլ է: Բանկերում դրամի արժեզրկումը հասնում է մինչև 10%-ի, դոլարի վաճառքն իրականացվում է սահմանափակ քանակությամբ, իսկ փոխանակման որոշ կետեր ընդհանարապես դադարել են […]
