Արցախցի ուսանողները, դասախոսներն ու Արցախի պետական համալսարանի ապագան

Արցախից բռնի տեղահանված ուսանողները Հայաստանում կրթությունը շարունակելու հնարավորություն ունեն։ ԿԳՄՍ նախարարությունն առաջարկում է՝ անկախ բուհի լիցենզիայով սահմանված տեղերից և փաստաթղթերի առկայությունից ներգրավվել ուսումնական գործընթացում։ Արցախի պետական համալսարանի ուսանողները և դասախոսները առաջարկում են բուհի մասնաճյուղը բացել Հայաստանում, ինչը միաժամանակ մի քանի հարց կլուծի․ դասախոսները աշխատանք կունենան, հայաստանյան բուհերի ծանրաբեռնվածությունը կթոթափվի, ուսանողների բուհական տարբերությունների հարցը կլուծվի։