Իրանը Ղարաբաղի բնակիչների լեգիտիմ իրավունքների ապահովման կողմնակիցն է․ դեսպան

Հայաստանում Իրանի դեսպան Մեհդի Սուբհանին ՍիվիլՆեթին տված հարցազրույցում հայտարարել է, որ Իրանը ճանաչում է Հայաստանի և Ադրբեջանի տարածքային ամբողջականությունը, բայց դա չի նշանակում, որ պետք է ոտնահարվեն Արցախի ժողովրդի իրավունքները։

«Ղարաբաղի մասին Իրանի պաշտոնական դիրքորոշումը նախապես հայտարարվել է՝ մենք միջազգային և ՄԱԿ-ի նորմերին համապատասխան ճանաչում ենք և Հայաստանի, և Ադրբեջանի տարածքային ամբողջականությունը, բայց սա չի նշանակում, որ պիտի խախտվեն այն մարդկանց իրավունքները, որոնք այնտեղ են: Մենք գտնում ենք, որ Ղարաբաղի ժողովրդի իրավունքները պետք է ապահովվեն։ Նրանք պետք է իրենց իրավունքներն իրացնելու հնարավորություն ունենան: Սա իրականություն է, որը ոչ ոք, այդ թվում Ադրբեջանը չի կարող անտեսել»,- ասել է նա։

Դեսպանը հայտարարել է, որ Իրանը «Ղարաբաղի բնակիչների օրինական և լեգիտիմ իրավունքների ապահովման կողմնակիցն է»:

https://www.youtube.com/watch?v=UD5bk341GTk

Սոբհանին հայտնել է, որ սեպտեմբերի 19-ի իրադարձություններից հետո Կապանում հանդիպել է Լեռնային Ղարաբաղից Հայաստան տեղահանված անձանց հետ․ «Ես նրանց հարցրեցի, թե ինչու են լքել տարածքը, և նրանք պատասխանեցին, որ իրենց կյանքին վտանգ էր սպառնում»։

«Երկիրը, որն ուրիշներին համարում է իր քաղաքացիներ, պիտի այնպիսի պայմաններ ապահովի, որ այդ մարդիկ իրենց ապահով զգան և իրենց տարածքը, հողը, տները չլքեն»,- նշել է նա։

https://civilnet.am/news/756695/%d5%a1%d5%a4%d6%80%d5%a2%d5%a5%d5%bb%d5%a1%d5%b6%d5%ab-%d5%a1%d5%a3%d5%b6-%d5%b6-%d5%a1%d6%80%d5%b1%d5%a1%d5%a3%d5%a1%d5%b6%d6%84%d5%a5%d5%ac-%d5%a7-%d5%ab%d6%80%d5%a1%d5%b6%d5%ab-%d5%a4%d5%a5%d5%bd%d5%ba%d5%a1%d5%b6%d5%ab%d5%9d-%d5%bd%d5%ab%d5%be%d5%ab%d5%ac%d5%b6%d5%a5%d5%a9%d5%ab%d5%b6-%d5%bf%d5%be%d5%a1%d5%ae-%d5%b0%d5%a1%d6%80%d6%81%d5%a1%d5%a6%d6%80%d5%b8%d6%82%d5%b5%d6%81%d5%ab%d5%b6/ https://civilnet.am/news/756629/%d5%b4%d5%ab%d5%bb%d5%a1%d5%b6%d6%81%d6%84-%d5%a2%d5%a1%d5%bc%d5%b6-%d6%85%d5%a3%d5%bf%d5%a1%d5%a3%d5%b8%d6%80%d5%ae%d5%b8%d5%b2%d5%b6%d5%a5%d6%80%d5%a8-%d5%a9%d5%a1%d6%84%d5%b6%d5%be%d5%a1%d5%ae-%d5%b4%d5%bf%d6%84%d5%a5%d6%80-%d5%b8%d6%82%d5%b6%d5%a5%d5%b6-%d5%b0%d5%b0-%d5%be%d5%a5%d6%80%d5%a1%d5%b0%d5%bd%d5%af%d5%b8%d5%b2%d5%b8%d6%82%d5%a9%d5%b5%d5%b8%d6%82%d5%b6%d5%ab%d6%81-%d5%a4%d5%b8%d6%82%d6%80%d5%bd-%d5%b8%d6%82%d5%b2%d5%ab%d5%b6%d5%a5%d6%80%d5%b6-%d5%a1%d5%b6%d5%a8%d5%b6%d5%a4%d5%b8%d6%82%d5%b6%d5%a5%d5%ac%d5%ab-%d5%a5%d5%b6%e2%80%a4-%d5%ab%d6%80%d5%a1%d5%b6%d5%ab-%d5%a4%d5%a5%d5%bd%d5%ba%d5%a1%d5%b6/