ՆԱՏՕ-ի գլխավոր քարտուղար Անդերս Ֆոգ Ռասմուսենը և ՄԱԿ-ի գլխավոր քարտուղար Պան Կի Մունը քննարկել են Սիրիայի տարածքից Թուրքիայի Աքչակալե շրջանի հրետակոծումը, որի արդյունքում զոհվել է Թուրքիայի 5 քաղաքացի. հաղորդում է BBC-ն:
Աքչակալե շրջանում հրետանային արկի պայթյունից հետո Թուրքիան պատասխան կրակ է բացել Սիրիայի ուղղությամբ:
ՆԱՏՕ-ն նախատեսում է դեպքի առնչությամբ սահմանային գոտում հրավիրել արտակարգ խորհրդակցություն Հյուսիսատլանտյան ալյանսի մակարդակով:
Հիշեցնենք, որ ժամեր առաջ, ըստ Ria Novosti գործակալության, Թուրքիայի կառավարությունը հաղորդագրությամբ հայտնել էր. «Սիրիայի տարածքում գտնվող թիրախների ուղղությամբ հրետանային կրակ է բացվել։ Ռադարի կողմից հայտնաբերված սիրիական թիրախներին հրետանային հարված է հացվել, թիրախները խոցվել են»: