Այսօր՝ փետրվարի 28-ին, երկու ադրբեջանցի զինծառայող Տեղ գյուղի հատվածում անցել է սահմանը։ ՍիվիլՆեթի Գորիսի թղթակիցը, հղում անելով իր աղբյուրներին, հաղորդում է, որ նրանցից մեկը գերեվարվել է, մյուսը դիմել է փախուստի։
Գերեվարված ադրբեջանցին այս պահին Գորիսում է։
Պաշտպանության նախարարությունը դեռ տեղեկություններ չի հաղորդել դեպքի վերաբերյալ։
Դեպքի վերաբերյալ գրառում է կատարել նաև «Ապրելու երկիր» կուսակցության համահիմնադիր Մեսրոպ Առաքելյանը։
Տեղեկությունը հաստատել է Ադրբեջանի պաշտպանության նախարարությունը՝ հաղորդելով, որ եղանակային վատ պայմանների պատճառով ադրբեջանցի զինծառայող է մոլորվել, նրան որոնում են։
