Ռուսաստանի նախագահական ընտրություններում քվեների 99 տոկոսի հաշվարկով Վլադիմիր Պուտինը հավաքել է ձայների 87,3 տոկոսը: Այդ մասին հայտնում է ՌԴ կենտրոնական ընտրական հանձնաժողովը, փոխանցում է ՌԻԱ Նովոստին։
Նախագահական ընտրություններին մասնակցող մյուս թեկնածուներից Նիկոլայ Խարիտոնովը ստացել է ձայների 4,3 տոկոսը, Վլադիսլավ Դավանկովը՝ 3,8 տոկոսը, Լեոնիդ Սլուցկին՝ 3,2 տոկոսը։
Պուտինի գրանցած արդյունքը ռեկորդային է Ռուսաստանի պատմության մեջ։ 2018-ին նա նախագահական ընտրություններում հավաքել է 76,6%, 2012-ին ՝ 63,6%: Դմիտրի Մեդվեդևը 2008-ին հաղթել է 70,2% արդյունքով։ 2004 և 2000 թվականներին Պուտինն առաջատար է եղել, համապատասխանաբար, 71,3 և 52,9 տոկոսով։ 1996-ին Բորիս Ելցինը հաղթել էր երկրորդ փուլում՝ 53,8% արդյունքով։
Ռուսաստանին միացված նոր շրջաններում՝ Դոնեցկում, Լուգանսկում, Զապորոժյեում և Խերսոնում, Վլադիմիր Պուտինը ստացել է ձայների 88-95 տոկոսը:
