2023-ին Հայաստանում հայտնաբերվել է թմրամիջոց վաճառող 650 առցանց խանութ և Տելեգրամի 35 ալիք։ Այդ մասին մարտի 25-ին ԱԺ պաշտպանության և անվտանգության հարցերի հանձնաժողովի նիստի ժամանակ հայտարարել է ներքին գործերի նախարար Վահե Ղազարյանը։
Նրա տեղեկացմամբ՝ նախորդ տարի թմրամիջոցների ապօրինի շրջանառության դեպքերի հայտնաբերման թիվն աճել է 2 847-ով կամ 2,5 անգամ։
«Արձանագրվել է համացանցի միջոցով իրականացվող թմրամիջոցների անօրինական շրջանառության 489 դեպք, որից 128-ը` իրացման, իսկ 361-ը` ձեռքբերման»,- հայտնել է Ղազարյանը։
