«Մանչեսթեր Յունայթեդը» և ադրբեջանական Bakcell ընկերությունը համագործակցության պայմանագիր են կնքել: Հաղորդում է Sport.1news.az-ը:
Bakcell-ը կդառնա ԱՊՀ երկրների տարածքում անգլիական ակումբի առաջին պաշտոնական հեռուստատեսային և կապի հովանավորը: Այդ համաձայնությամբ ընկերության 2.6 միլիոն բաժանորդները յուրահատուկ և էքսկլյուզիվ կոնտենտ ստանալու հնարավորություն կունենան:
Այդ համագործակցության շրջանակներում Bakcell-ն իր բաժանորդներին բջջային ծառայությունների հատուկ փաթեթ կառաջարկի:
Բացի այդ, ընկերությունը իրավունք կստանա Ադրբեջանում հեռարձակել ակումբի պաշտոնական MUTV հեռուստաալիքը: