Կապանում ՌԴ գլխավոր հյուպատոսությունն ակնկալվում է, որ կբացվի մինչև տարեվերջ

Ռուսաստանն ակնկալում է առաջիկայում Կապան քաղաքում գլխավոր հյուպատոսություն բացել։ Այդ մասին ՏԱՍՍ-ին տված հարցազրույցում ասել է ՌԴ փոխարտգործնախարար Եվգենի Իվանովը։

«Հրաման է տրվել Հայաստանում գլխավոր հյուպատոսություն բացելու վերաբերյալ»,- հայտնել է նա:

Խոսելով ժամկետի մասին՝ Իվանովը նշել է. «Առաջիկայում։ Հաշվարկում ենք՝ մինչև տարեվերջ»:

***

Սյունիքի մարզի Կապան քաղաքում հյուպատոսություն բացելու մասին համաձայնությունը ձեռք էր բերվել 2023-ի մայիսին՝ Հայաստանի և Ռուսաստանի ղեկավարների երկկողմ հանդիպմանը։

2022-ի հոկտեմբերին Կապանում բացվել էր Իրանի գլխավոր հյուպատոսությունը։ Արարողությանը ներկա է եղել նաև Իրանի արտգործնախարարը։ Իրանի կառավարությունը Կապանում հյուպատոսության ստեղծման մասին որոշումն ընդունել էր 2021-ի դեկտեմբերին։

Մեկնաբանել