Գվինեա Բիսաուում տեղի է ունեցել պետական հեղաշրջման փորձ, որի հետևանքով զոհվել է յոթ մարդ, հաղորդում է AP-ն՝ վկայակոչելով երկրի կառավարությունը։
Հաղորդվում է, որ զինված գրոհայինների ջոկատը հարձակում է իրականացրել ռազմաբազայի վրա, որում տեղակայված է երկրի զորքերի հատուկ ստորաբաժանումը։ Հարձակումը հետ է մղվել, ինչի հետևանքով զոհվել է յոթ զինծառայող։
Գրոհայինների պատկանելությունը ներկայում հայտնի չէ։ Այդուհանդերձ, Գվինեա Բիսաուի կառավարությունն արդեն հայտարարել է, որ հարձակման հետևում կանգնած են Պորտուգալիան և Պորտուգալալեզու երկրների համագործակցությունը։
Լիսաբոնն առայժմ չի արձագանքել այս հայտարարությանը։
Հիշեցնենք, որ 2012թ․ ապրիլին Գվինեա Բիասուում տեղի ունեցավ հեղաշրջում, որի արդունքում իշխանությունը երկրում զավթեց ռազմական խունտան։
