ԱԳ նախարար Արարատ Միրզոյանն ու ԱԳՆ կենտրոնական ապարատի ղեկավար կազմն այցելել է Կիրանց, ծանոթացել տեղում իրականացված ու ընթացիկ աշխատանքներին, հաղորդում է գերատեսչությունը։
«ՀՀ ԱԳՆ կենտրոնական ապարատի ղեկավար կազմի և արտերկրում դիվանագիտական ներկայացուցչությունների ղեկավարների տարեկան աշխատաժողովը եզրափակվել է Հայաստանի Հանրապետության Կիրանց բնակավայր, մասնավորապես, Հայաստանի և Ադրբեջանի միջպետական սահման այցելությամբ:
ՀՀ դիվանագիտական ծառայության ղեկավար կազմին տեղում ներկայացվել են իրականացված և ընթացիկ աշխատանքների մանրամասները»,- նշվում է հաղորդագրությունում։
Օգոստոսի 26-29-ին Դիլիջանում անցկացվել է ՀՀ ԱԳՆ կենտրոնական ապարատի ղեկավար կազմի և արտերկրում դիվանագիտական ներկայացուցչությունների ղեկավարների տարեկան աշխատաժողովը:
