Կիրանց․ նոր դպրոցը բացվեց, ծառերը դեռ չկան

Տավուշի Կիրանց գյուղի դպրոցականների համար նոր ուսումնական տարին նորակառույց դպրոցում սկսվեց: Այս տարի դպոցն ընդունեց 34 աշակերտի։ Երկու տարի առաջ է սկսվել դպրոցի շինարարությունը, նախորդ դպրոցը վթարային էր։ Սահմանազատման արդյունքում դպրոցը սահմանին ամենամոտ գտնվող շինություններից է դարձել. դպրոցից մի քանի մետր այն կողմ սահմանային պատնեշներն են, մի քանի հարյուր մետր այն կողմ՝ ադրբեջանական դրոշը։