Սեպտեմբերի 6-ին, 7-ին, 8-ին կանցկացվի Գրքի Երևանյան միջազգային փառատոնը։ Միջոցառումները տեղի կունենան Հայաստանի ազգային պատկերասրահում։ Փառատոնի գեղարվեստական ղեկավար Արմեն Սարգսյանը ՍիվիլՆեթի Հասմիկ Հովհաննիսյանին պատմում է գրահրատարակչական ոլորտի վրա փառատոնի ազդեցության, սպասելիքների ու խնդիրների մասին։
-
Wizz Air-ը սեպտեմբերից Աբու Դաբի չի թռչի
Բյուջետային ավիափոխադրող Wizz Air-ն այսօր հայտարարել է, որ դադարեցնում է Աբու Դաբիում իր գործունեությունը և սեպտեմբերից կդադարեցնի տեղական բազայում հիմնված բոլոր չվերթները՝ Միջին Արևելքում առկա գործառնական դժվարությունների և աշխարհաքաղաքական զարգացումների պատճառով։ Ընկերությունն ընդգծել է, որ կկենտրոնանա իր հիմնական՝ Կենտրոնական և Արևելյան Եվրոպայի շուկաների վրա, ինչպես նաև Ավստրիայի, Իտալիայի և Մեծ Բրիտանիայի նման երկրներում։ «Մատակարարման շղթայի սահմանափակումները, աշխարհաքաղաքական անկայունությունը և շուկայի սահմանափակ հասանելիությունն ավելի ու ավելի են դժվարացնում մեր նախնական նպատակների իրագործումը», – ասված է Wizz Air-ի գործադիր տնօրեն Յոժեֆ Վարադիի հայտարարության մեջ։ Wizz Air-ը նաև Երևանից է չվերթներ իրականացնում դեպի Աբու Դաբի։ Այն Հայաստանից դեպի Արաբական Միացյալ Էմիրություններ ամենամատչելի ավիաընկերությունն […]
-
ԵՄ ընդլայնման հարցերով հանձնակատար Մարթա Կոսը կայցելի Հայաստան
Բրյուսելում տեղի է ունեցել Հայաստանի վարչապետ Նիկոլ Փաշինյանի և ԵՄ ընդլայնման հարցերով հանձնակատար Մարթա Կոսի հանդիպումը: Այս մասին հայտնում են Կառավարության մամուլի ծառայությունից։ Մարթա Կոսը ևս մեկ անգամ հայտնել է ԵՄ ամուր աջակցությունը Հայաստանի բարեփոխումների հավակնոտ օրակարգին և ժողովրդավարական բարեփոխումների արդյունավետ իրականացմանը: Վարչապետ Փաշինյանը նշել է, որ արդյունավետ հանդիպում է ունեցել Եվրոպական խորհրդի նախագահի և Եվրոպական հանձնաժողովի նախագահի հետ` հույս հայտնելով, որ ՀՀ-ԵՄ սերտ փոխգործակցությունը կշարունակի զարգանալ ու ամրապնդվել տարբեր ուղղություններով: ՀՀ վարչապետը կարևորել է ԵՄ օժանդակությունը Հայաստանի տնտեսական դիվերսիֆիկացմանը, տրանսպորտի, ենթակառուցվածքների զարգացմանը, փոքր և միջին բիզնեսի կարողությունների ընդլայնմանը, ԵՄ ստանդարտների ներդրմանը և այլն: Զրուցակիցները քննարկել են ԵՄ ֆինանսական գործիքակազմերով […]
-
ԵՄ-ի ծրագիրը ռազմավարական ներդրում է Հայաստանի ապագայի համար․ Ուրսուլա ֆոն
Եվրոպական հանձնաժողովի նախագահ Ուրսուլա ֆոն դեր Լայենը X սոցիալական ցանցում գրառում է արել Հայաստանի վարչապետ Նիկոլ Փաշինյանի հետ Բրյուսելում հանդիպումից հետո։ «Հաճելի է կրկին ողջունել Ձեզ Բրյուսելում, սիրելի Նիկոլ Փաշինյան։ Դուք ցուցադրել եք Հայաստանի խորին հանձնառությունն առ խաղաղություն և կայունություն։Քանի որ մեր կապերն ավելի են սերտանում՝ ԵՄ-ի Դիմադրողականության և աճի ծրագիրը ռազմավարական ներդրում է Հայաստանի ապագայի համար», – գրել է Ուրսուլա ֆոն դեր Լայենը։ Այսօր՝ հուլիսի 14-ին, Բրյուսելում տեղի է ունեցել Հայաստանի Հանրապետության վարչապետ Նիկոլ Փաշինյանի, Եվրոպական խորհրդի նախագահ Անտոնիու Կոշտայի և Եվրոպական հանձնաժողովի նախագահ Ուրսուլա Ֆոն դեր Լայենի եռակողմ հանդիպումը: Հանդիպման արդյունքներով ընդունվել է մամուլի համատեղ հաղորդագրություն, որում նշվում […]
-
Փաշինյանը շնորհավորել է Մակրոնին և հրավիրել Հայաստան
Վարչապետ Նիկոլ Փաշինյանը շնորհավորական ուղերձ է հղել Ֆրանսիայի Հանրապետության նախագահ Էմանուել Մակրոնին՝ Ֆրանսիայի Ազգային տոնի առթիվ և հրավիրել Հայաստան։ Վարչապետի շնորհավորանքը հրապարակվել է կառավարության կայքում։ «Ջերմորեն շնորհավորում եմ և իմ լավագույն մաղթանքները հղում Ձեզ և եղբայրական ֆրանսիացի ժողովրդին Ֆրանսիայի Ազգային տոնի կապակցությամբ»,- նշել է Փաշինյանը։ Նա ընդգծել է Ֆրանսիայի կարևոր դերը համամարդկային արժեքների՝ ազատության, հավասարության և եղբայրության ամրագրման ու խրախուսման գործում։ «Ցանկանում եմ ընդգծել, որ համընդհանուր այս արժեքների և հայ ու ֆրանսիացի ժողովուրդներին միավորող դարավոր բարեկամության վրա խարսխված Հայաստանի և Ֆրանսիայի միջև պատմական կապերն առանցքային նշանակություն են ունեցել մեր միջպետական հարաբերությունների զարգացման գործում», – գրել է վարչապետը։ Փաշինյանը շնորհակալություն է […]
-
ԵՄ-ի ներդրումները Հայաստանում հասցնել 2.5 մլրդ եվրոյի. Փաշինյան-Կոշտա-Ֆոն դեր Լայեն
Բրյուսելում տեղի է ունեցել Հայաստանի Հանրապետության վարչապետ Նիկոլ Փաշինյանի, Եվրոպական խորհրդի նախագահ Անտոնիու Կոշտայի և Եվրոպական հանձնաժողովի նախագահ Ուրսուլա Ֆոն դեր Լայենի եռակողմ հանդիպումը: Հանդիպման արդյունքներով ընդունվել է մամուլի համատեղ հաղորդագրություն, որը ներկայացնում ենք ստորև. «ԵՄ-ն և Հայաստանը վերահաստատում և առաջ են մղում իրենց գործընկերությունն առաջնորդների հանդիպման ժամանակ. Այսօր Բրյուսելում Եվրոպական խորհրդի նախագահ Անտոնիու Կոշտան և Եվրոպական հանձնաժողովի նախագահ Ուրսուլա ֆոն դեր Լայենը հանդիպեցին ՀՀ վարչապետ Նիկոլ Փաշինյանի հետ՝ Եվրոպական միության և Հայաստանի միջև աճող գործընկերությունը վերահաստատելու և առաջ մղելու նպատակով: Նախագահ Կոշտան և նախագահ ֆոն դեր Լայենը ողջունեցին Հայաստանի հավակնոտ բարեփոխումների օրակարգը և իրենց աջակցությունը հայտնեցին Հայաստանի ինքնիշխանությանը, տարածքային […]
-
Վրաստանի ԱԳՆ-ն ազատել է Ատլանտյան ինտեգրման վարչության ամբողջ կազմը
Միխեիլ Գվադզաբիա, OC Media Վրաստանի արտաքին գործերի նախարարությունը ազատել է Ատլանտյան ինտեգրման վարչության ամբողջ աշխատակազմը։ Այս մասին հայտարարել է վարչության նախկին ղեկավար Թոռնիկե Փարուլավան՝ նշելով, որ ինքն էլ է ազատվել աշխատանքից։ Փարուլավայի խոսքով՝ իրեն աշխատանքից հեռացրել են առանց որևէ բացատրության՝ 24 տարվա դիվանագիտական ծառայությունից հետո։ Նա նշել է, որ փոխանցման կամ գործերի հանձնման որևէ գործընթաց չի կազմակերպվել․ «Ոչ ոք չհարցրեց՝ արդյոք որևէ բան կա, որ պետք է ավարտել։ Ամբողջ վարչությունը ազատվել է՝ առանց որևէ քննարկման»։ Մայիսին նախարարությունը հայտարարել էր «վերակազմավորման» գործընթացի մասին, որը ներկայացվել էր որպես «բարեփոխում»։ Սա համընկել էր պետական համակարգում զանգվածային ազատումների ալիքի հետ։ Շատ աշխատակիցներ պնդում էին, […]
-
«Վարձակալության ծրագրի հարցում որևէ համաձայնություն չկա». Արցախի ՄԻՊ
Արցախցիների վարձակալության ծրագրի փոփոխության հարցով կառավարության հետ երկուշաբթի տեղի ունեցած հանդիպումը արդյունք չի տվել։ Արցախի մարդու իրավունքների պաշտպան Գեղամ Ստեփանյանը նշեց, որ իշխանությունները անտեսում են տեղահանված արցախցիների խնդիրները։ «Երկար է տևել հանդիպումը, սակայն որևէ համաձայնություն, հատկապես վարձակալության աջակցության շարունակման հարցում, ձեռք չի բերվել։ Իրենց համար մարդկանց դրսում մնալը հիմնավոր պատճառ չէ»,- ասաց Ստեփանյանը։ Հուլիսի 14-ին արցախցիները բողոքի ակցիա անցկացրին կառավարության շենքի դիմաց՝ փոխվարչապետ Տիգրան Խաչատրյանին պահանջագիր հանձնելու նպատակով։ Ակցիան նախաձեռնել էր Արցախի բնակիչների իրավունքների պաշտպանության խորհուրդը, որը Հայաստանի կառավարությունից պահանջում է ընդլայնել բնակարանաշինության աջակցությունը, կարգավիճակ տալ տեղահանվածներին, հստակեցնել սոցիալական աջակցության մեխանիզմները և վերականգնել իրենց իրավունքները առանց դատարանի միջամտության։ Հանդիպմանը մասնակցել […]
-
Արարատյան դաշտում և Սյունիքի հովիտներում սպասվում է բարձր կարգի հրդեհավտանգ
Հայաստանի հիդրոօդերևութաբանության և մոնիթորինգի կենտրոնը զգուշացնում է՝ հուլիսի 14-ին Արարատյան դաշտում և Սյունիքի հովիտներում սպասվում է բարձր կարգի հրդեհավտանգ իրավիճակ։ Հաջորդ օրերին եղանակային պայմանները կփոփոխվեն։ Մասնավորապես՝ հուլիսի 15-ի երեկոյան, 16-17-ի գիշերը և երեկոյան ժամերին, ինչպես նաև 18-19-ի երեկոյան ժամերին երկրի առանձին շրջաններում սպասվում են կարճատև անձրևներ և ամպրոպներ։ Որոշ հատվածներում հնարավոր են հորդառատ տեղումներ և կարկուտ։ Քամու ուժգնացումներ են սպասվում՝ ամպրոպի ժամանակ մինչև 18-20 մ/վ, իսկ երեկոյան ժամերին՝ 15-18 մ/վ։ Հուլիսի 14-19-ը Արմավիրում, Կոտայքի և Արագածոտնի նախալեռներում նույնպես կգրանցվեն քամու ուժգնացումներ։ Օդի ջերմաստիճանը հուլիսի 15-17-ին աստիճանաբար կնվազի 3-5 աստիճանով։Հիդրոօդերևութաբանները հորդորում են բնակիչներին ու գյուղատնտեսությամբ զբաղվող անձանց լինել զգոն և խստորեն […]
