Հայաստանի Անվտանգության խորհրդի քարտուղար Արմեն Գրիգորյանը հունվարի 27-ին ընդունել է Ֆրանսիայի Եվրոպայի և արտաքին գործերի նախարարության Մայրցամաքային Եվրոպայի վարչության պետ Բրիս Ռոքֆոյին:
Ըստ պաշտոնական հաղորդագրության՝ հանդիպմանն անդրադարձ է կատարվել Հայաստան-Ֆրանսիա փոխադարձ հետաքրքրություն ներկայացնող հարցերի լայն շրջանակի և ընդգծվել մի շարք առանցքային ուղղություններով հայ-ֆրանսիական բազմաոլորտ համագործակցության ամրապնդման շուրջ իրականացվող քայլերի կարևորությունը:
Փետրվարի 19-ից կտրուկ կցրտի։ Այս մասին հայտնում են Հիդրոօդերևութաբանության և մոնիտորինգի կենտրոնից։ Փետրվարի 20-23-ին հանրապետության տարածքում սպասվում է ձյուն, 20-21-ին առանձին շրջաններում և Երևանում՝ շատ ուժեղ, լեռնային առանձին մարզերում՝ բուք, ցածր հորիզոնական տեսանելիություն։ Հանրապետության ճանապարհներին սպասվում է մերկասառույց։ Օդի ջերմաստիճանը փետրվարի 20-22-ին և΄ գիշերը, և΄ ցերեկն աստիճանաբար կնվազի 10-14 աստիճանով։
ՊՆ N զորամասի զինծառայող Սևակ Վարդանի Հովհաննիսյանի մահվան դեպքի առթիվ նախաձեռնվել է քրեական վարույթ՝ սպանության հոդվածով։ Այս մասին Սիվիլնեթին հայտնեց Քննչական կոմիտեի մամուլի խոսնակ Կիմա Ավդալյանը։ «Դեպքի առթիվ նախաձեռնվել է քրեական վարույթ՝ Քրեական օրենսգրքի 155-րդ հոդվածի 1-ին մասի հատկանիշներով (սպանություն)»,- ասաց Ավդալյանը։ Փետրվարի 17-ին պաշտպանության նախարարությունից հայտնել էին, որ նույն օրը՝ ժամը 09:20-ի սահմաններում, հայտնաբերվել է ՊՆ N զորամասի զինծառայող Սևակ Վարդանի Հովհաննիսյանի դին՝ հրազենային վնասվածքով: Դեպքի հանգամանքներն ամբողջովին պարզելու նպատակով ընթանում է քննություն:
«Վերջին տարում հոսանքազրկումների 22%-ը պայմանավորված է շինարարական աշխատանքների ընթացքում մալուխների վնասմամբ». նշում է Հայաստանի էլեկտրական ցանցերի տեխնիկական տնօրեն Դավիթ Գրիգորյանը՝ անդրադառնալով Երևանում հաճախակի դարձած հոսանքազրկումներին: «ՍիվիլՆեթ բիզնեսի» հետ զրույցում նա տեղեկացնում է, որ մինչև 2026 թվականի վերջը նախատեսվում է ավարտին հասցնել Երևանի կենտրոնում 38 կմ երկարությամբ ստորգետնյա մալուխների անցկացման աշխատանքները՝ երաշխավորելով 98%-ով անխափան էլեկտրամատակարարում:
Փետրվարի 14-ին Երևանում կայացավ «44. Պարտություն։ 2020-ի Արցախյան պատերազմը. իրողություններ և հետևություններ» գրքի շնորհանդեսը։ Գրքի հոդվածների շարքում գլխավորը Ժնևի համալսարանի միջազգային հարաբերությունների դասախոս, լրագրող Վիգէն Չըթըրեանի հետազոտությունն է 2020-ի մարտական գործողությունների մասին, որը հիմնվում է Հայաստանի և Արցախի՝ երեք տասնյակից ավելի ռազմական և քաղաքական գործիչների ու ղեկավարների հետ հարցազրույցների վրա։ Գիրքը հրատարակվել է Գալուստ Կիւլպէնկեան հիմնարկության աջակցությամբ։
Ադրբեջանի վարչապետն ու Իրանի փոխնախագահը քննարկել են Իրանի տարածքով Ադրբեջանը Նախիջևանին կապող հաղորդակցային ուղու (Արաքսի միջանցք) հարցը, ինչպես նաև տրանսպորտային ենթակառուցվածքի կառուցման, Հյուսիս-Հարավ տրանսպորտային միջանցքի զարգացման և այլ նախագծերի իրականացման ընթացքը։ Այս մասին հայտնում է vesti.az-ը, հղում անելով Ադրբեջանի նախարարների կաբինետի մամուլի ծառայությանը։ Ադրբեջանի վարչապետ Ալի Ասադովն Իրանի Իսլամական Հանրապետության առաջին փոխնախագահ Մոհամմադ Ռեզա Արեֆիի հետ հանդիպել է Թեհրանում։ Հանդիպմանը քննարկվել են Ադրբեջանի և Իրանի միջև հարաբերությունների ներկա վիճակը, ինչպես նաև համագործակցության հեռանկարները այնպիսի ոլորտներում, ինչպիսիք են տնտեսությունը, առևտուրը, ներդրումները, տրանսպորտը և տարանցումը, նավթի և գազի ոլորտը, էներգետիկան և հումանիտար հարցերը: Վերանայվել է ճանապարհային և երկաթուղային հաղորդակցությունների հաստատման ընթացքը։
Փետրվարի 17-ին՝ ժամը 09:20-ի սահմաններում, հայտնաբերվել է ՊՆ N զորամասի զինծառայող Սևակ Վարդանի Հովհաննիսյանի դին՝ հրազենային վնասվածքով: Այս մասին հայտնում են ՀՀ ՊՆ-ից։ Դեպքի հանգամանքներն ամբողջովին պարզելու նպատակով ընթանում է քննություն: Պաշտպանության նախարարությունը վշտակցում և զորակցություն է հայտնում զինծառայողի ընտանիքի անդամներին, հարազատներին ու ծառայակից ընկերներին։
Եվրոպական առաջնորդներն այսօր հավաքվել են Փարիզում համաձայնեցնելու միասնական ռազմավարությունը Ուկրաինաի հարցում, իսկ ռուս և ամերիկացի պաշտոնյաները պատրաստվում են հանդիպել Սաուդյան Արաբիայում Ուկրաինայի պատերազմը դադարեցնելու նպատակով, հաղորդում է Reuters-ը։ Փարիզում եվրոպական արտակարգ գագաթնաժողովը տեղի է ունենում Ուկրաինայի գլխավոր ռազմական աջակից, ԱՄՆ նախագահ Դոնալդ Թրամփի հայտարարությունից այն հայտարարությունից հետո, որ պատրաստ է Ռուսաստանի հետ քննարկել պատերազմի դադարեցումը: Ռուսաստանը բացառել է տարածքային զիջումները, իսկ Ուկրաինայի նախագահ Վլադիմիր Զելենսկին քննադատել է առանց իր մասնակցության ԱՄՆ-Ռուսաստան բանակցությունները: Մեծ Բրիտանիայի վարչապետ Քիր Սթարմերը հայտարարել է, որ իր երկիրը պատրաստ է խաղաղապահ զորքեր ուղարկել՝ աջակցելու Ուկրաինայի խաղաղության ցանկացած համաձայնագրի։ Օրվա մեկնաբանությունները վկայում են եվրոպական երկրների գիտակցումը, որ […]
Հնդկաստանի վարչապետ Նարենդրա Մոդիի անցյալ շաբաթվա այցը Միացյալ Նահանգներ նշանավորում է աշխարհի երկու խոշորագույն ժողովրդավարությունների միջև խորացող հարաբերությունների կարևոր հանգրվան, գրում է հնդկական Global Order թերթը։ Նրա հանդիպումները նախագահ Դոնալդ Թրամփի և այնպիսի առանցքային դեմքերի հետ, ինչպիսին է Իլոն Մասկը, վկայում են աճող գործընկերության մասին, որը շատերն այժմ անվանում են Հնդկաստան-ԱՄՆ հարաբերությունների ոսկե դար: Մոդիին Վաշինգտոնում ջերմ ընդունելության արժանացավ: ԱՄՆ վարչակազմը կարմիր գորգ էր փռել՝ Սպիտակ տանը պատվո պահակախմբի շարքով նրա այցը պատվելու համար: Հանդիսավոր ընդունելությունն ավելի ընդգծվեց հնդկական սփյուռքի ողջույններով, որոնք մեծ թվով հավաքվել էին՝ իրենց աջակցությունը հայտնելու Հնդկաստանի ղեկավարին: Ռազմավարական մերձեցում և տնտեսական համագործակցություն Հնդկա-ամերիկյան ամրացող հարաբերությունների հիմքում […]
