Հայ-ռուսական հարաբերությունները դարձել են ավելի ազնիվ. Սոնա Ղազարյան

Արդյոք Հայաստանը խաղաղության պայմանագրով զիջումնե՞ր է կատարում, ինչո՞ւ են փոխվում հայ-ռուսական հարաբերությունները և ո՞րն է սահմանադրական փոփոխությունների իրական նպատակը. այս հարցերին է պատասխանում իշխող «Քաղաքացիական պայմանագիր» խմբակցության անդամ Սոնա Ղազարյանը ՍիվիլՆեթի Արշալույս Մղդեսյանի հետ զրույցում։ Ազգային ժողովի պատգամավորը վստահեցնում է, որ Հայաստանն ու Ադրբեջանը «աննախադեպ առաջընթաց են գրանցել» և «համաձայնել են տեքստի շուրջ», սակայն Բաքուն այժմ փորձում է ձգձգել գործընթացը։ Ղազարյանը բացատրում է, որ առաջարկվող նոր սահմանադրությունը «չպետք է հակասի խաղաղության գաղափարին», իսկ ՀՀ-ի ու ՌԴ-ի միջև հարաբերություններն այժմ «ավելի ազնիվ ու բաց» են դարձել՝ «սուվերենության և ինքնիշխանության հարգանքի սկզբունքով»։