Ամերիկյան հանրահայտ կատակերգական դերասան Էդի Մերֆին գլխավորել է Forbes հեղինակավոր ամսագրի «գերվճարվող աստղերի» վարկանիշը: Ցանկում ընդգրկված են հոլիվուդյան այն դերասանները, որոնք նվազագույն շահույթ են բերում կինոարտադրողներին:
Այսպես՝ Forbes-ի հաշվարկով՝ Մերֆիին վճարվող ամեն մի դոլարը բերում է 2,3 դոլարի շահույթ, ինչը չափազանց ցածր ցուցանիշ է կինոարտադրության համար: Ինչպես գրել է հանդեսը, վերջին տարին բավական անհաջող էր կատակերգուի համար. նրա մասնակցությամբ ֆիլմերի մեծ մասը վարձույթում այնքան էլ հաջողակ չեն եղել:
2-րդ հորիզոնականում է Քեթրին Հեյգլը, որին վճարվող յուրաքանչյուր դոլարը բերում է 3,4 դոլարի շահույթ: «Ոչ շահութաբեր աստղերի» եռյակը եզրափակում է Ռիզ Ուիզերսփունը՝ 3,9 դոլարով:
Աստղերի շահույթը` ներդրված 1 դոլարի դիմաց. Forbes
- Էդի Մերֆի ($2,3)
- Քեթրին Հեյգլ ($3,4)
- Ռիզ Ուիզերսփուն ($3,9)
- Սանդրա Բուլոք ($5)
- Ջեք Բլեք ($5,20)
- Նիքոլաս Քեյջ ($6)
- Ադամ Սենդլեր ($6,3)
- Դենզել Վաշինգտոն ($6,30)
- Բեն Սթիլեր ($6,5)
- Սարա Ջեսիկա Փարքեր ($7)
Հոլիվուդն իր ամենահայտնի աստղերին մեկ ֆիլմի համար միլիոնավոր դոլարներ է վճարում: Նրանցից ոմանք արժանի են այդ գումարներին, մինչդեռ «գերվճարվող աստղերի» ցանկում ընդգրկվածները, հիմնվելով նրանց վերջին երեք ֆիլմերի վրա, արժանի չեն այն գումարներին, որոնք ստացել են, գրել է Forbes-ը:
