Մադրիդի «Ռեալի» հարձակվող Կրիշտիանո Ռոնալդուն աջակցել է թիմի գլխավոր մարզիչ Ժոզե Մոուրինյոյին, ինչպես նաև խոսել է իր ապագայի մասին։
«Մարդիկ ասում են այն, ինչ մտածում են։ Նրանց կարծիքը հարգանքի է արժանի, սակայն համբերություն է պետք։ Ինձ համար ակնհայտ է, որ Մոուրինյոն փորձում է հաջողությունների հասնել և դրա համար ամեն ինչ անում է։
Եվ այդ մասին բոլորը գիտեն, ովքեր գտնվում են նրա կողքին։ Ես ինքս կարծում եմ, որ նա համարվում է աշխարհի լավագույն մարզիչը, ով մեծ փորձ ունի և հաղթել է ամեն ինչ:
Իսկ ինչ վերաբերում է ինձ, ապա ես երջանիկ եմ «Ռեալում» և չեմ մտածում այլ ակումբ տեղափոխվելու մասին։ Ցանկանում եմ մինչև պայմանագրիս ավարտը խաղալ այս թիմում, իսկ թե ինչ կլինի դրանից հետո, դեռ հայտնի չէ», – Պորտուգալացու խոսքերն է մեջբերում Goal.com-ը։
