Աֆրիկյան երկրները Մալի կուղարկեն 7,700 զինվոր այդ երկրի կառավարական զորքերին օգնության նպատակով, որոնք պայքարում են հյուսիսը զավթած իսլամիստների դեմ։ Այս մասին, ըստ ԻՏԱՌ ՏԱՍՍ-ի, հայտարարել է Կոտ դ’Իվուարի պաշտպանության նախարար Սումայլա Բակայոկոն։ Նախարարի խոսքով՝ միության անդամ երկրները կուղարկեն ընդհանուր առմամբ 5,7 հազ. զինվոր և ևս 2.000 զինվոր կուղարկվի Չադից, որը կազմակերպության անդամ չէ։
Համապատասխան հայտարարությունը նա արել է Արևմտյան Աֆրիկայի տնտեսական միության անդամ երկրների պաշտպանության նախարարների արտահերթ նիստում։
Հիշեցնենք, Մալիի հյուսիսը զավթած իսլամիստների դեմ պայքար է մղում 2,4 հազ. ֆրանսիացի զինվոր։
