Հյուսիսային Կորեայի քարտեզները հայտնվել են Google Maps հայտնի ռեսուրսում, որտեղ, ի թիվս այլոց, ներկայացված են նաև Երկրագնդի լուսանկարներն արբանյակից:
Մինչ այդ կայքում գրաֆիկական որևէ տեղեկատվություն Հյուսիսային Կորեայի քաղաքների մասին չի եղել: Բացի այդ՝ հյուսիսկորեական քարտեզները հասանելի կլինեն նաև Google Map Maker ռեսուրսում, որը սովորական օգտատերերին թույլ է տալիս լրացնել կամ հստակեցնել քարտեզներում ներկայացված տվյալները:
Google-ի ներկայացուցիչների խոսքով՝ նոր քարտեզներն օգտատերերին ավելի մեծ տեղեկատվություն կտրամադրեն, քան նախկինում:
Քարտեզները հրապարակվել են Google-ի տնօրենների խորհրդի ներկայացուցիչ Էրիկ Շմիդտի՝ Հյուսիսային Կորեա կատարած մարդասիրական առաքելության կապակցությամբ:
