Civilnet
Ապրիլի 17-ի նիստում կառավարությունն ընդունեց որոշում ստեղծել նոր հիմնադրամ՝ «Հանրօգուտ մեդիամիջավայր» անվամբ։
«Նպատակն է ստեղծել կրթական, գիտական, մշակութային, սպորտային և սոցիալական բովանդակություն, որը կամ առհասարակ չի կարողանում գեներացնել եկամուտ կոմերցիոն գործիքներով, կամ դա շատ բարդ է իրականացնել»,- ասաց Բարձր տեխնոլոգիական արդյունաբերության նախարար Մխիթար Հայրապետյանը։
Կառավարության հիմնավորման մեջ նշվում է, որ ներկայում խնդիր է առաջացել՝ ինչպես պաշտպանել քաղաքացիներին ապատեղեկատվությունից, ատելության խոսքից, արտաքին ազդեցություններից և կեղծ օրակարգերից։ Ուստի որոշել են նման հիմնադրամ ստեղծել։
Հիմնադրամի գործադիր մարմնի ղեկավարի ժամանակավոր պաշտոնակատար է նշանակվելու Վահագն Թևոսյանը, որը նախկինում եղել է Ազգային ժողովի «Իմ քայլը» խմբակցության պատգամավոր։
Քննարկման ժամանակ պարզ դարձավ, որ հիմնադրամի ֆինանսավորումը կատարվելու է պետական բյուջեից։ «Բա փողը մե՞նք ենք տալիս»,- հարցրեց վարչապետ Նիկոլ Փաշինյանը, ինչին նախարարը դրական պատասխան տվեց։
Պատմություններ
