Հունիսի 13-ի վաղ առավոտյան Իսրայելը լայնամասշտաբ օդային հարվածներ է հասցրել Իրանին՝ թիրախավորվելով խոշոր քաղաքներ՝ Շիրազը, Սպահանը, Թավրիզը, Թեհրանը։ Իսրայելի հիմնական թիրախներից են եղել Նաթանզ քաղաքի Իրանի հիմնական միջուկային կայանը, այդ երկրի հրթիռային ենթակառուցվածքներն ու ռազմական օբյեկտները։ Զոհվել են բարձրաստիճան զինվորականներ։
-
Ալիևը խոսել է խաղաղության պայմանագրի ստորագրմանը «շատ մոտ լինելու» և
Հայաստանի հետ խաղաղության պայմանագիրը կարող է նախաստորագրվել, սակայն նախաստորագրումը դեռևս ստորագրում չի նշանակում․ հուլիսի 19-ին հայտարարել է Ադրբեջանի նախագահ Իլհամ Ալիրը՝ ելույթ ունենալով օկուպացված Շուշիում ընթացող մեդիաֆորումին։ Նա կրկնել է Բաքվի նախապայմանները՝ Հայաստանի սահմանադրության փոփոխություն և Մինսկի խմբի լուծարում։ «Այո, տեքստը կարող է նախապես նախաստորագրվել, և ադրբեջանական կողմը հանդես է եկել այդպիսի առաջարկով Աբու Դաբիում։ Բայց, ինչպես գիտեք, փաստաթղթի նախաստորագրում դեռևս չի նշանակում դրա ստորագրում։ Մի բան է համաձայնության բանավոր արտահայտում, մեկ ուրիշ բան՝ յուրաքանչյուր էջի նախաստորագրում։ Կարծում եմ՝ մենք շատ մոտ ենք խաղաղության պայմանագրի ստորագրմանը», – ասել է Ալիևը։ Խոսելով կոմունիկացիաների ապաշրջափակման և Սյունիքով անցնող ճանապարհի մասին՝ Ադրբեջանի նախագահն […]
-
Տեղի է ունեցել Նիկոլ Փաշինյանի հեռախոսազրույցը Իրանի նախագահի հետ
Տեղի է ունեցել ՀՀ վարչապետ Նիկոլ Փաշինյանի հեռախոսազրույցն Իրանի նախագահ Մասուդ Փեզեշքիանի հետ, հայտնում է վարչապետի մամուլի խոսնակ Նազելի Բաղդասարյանը։ Վարչապետն Իրանի նախագահին ցավակցություն է հայտնել նախորդ ամիս տեղի ունեցած իրադարձությունների հետեւանքով զոհերի կապակցությամբ։ Քննարկվել են երկկողմ, տարածաշրջանային եւ միջազգային օրակարգին վերաբերող հարցեր։ Վարչապետ Փաշինյանը նախագահ Փեզեշքիանին պաշտոնական այցով հրավիրել է Հայաստան։
-
Հայաստանի ու Ադրբեջանի միջև խաղաղության համաձայնագիրը «շատ մոտ է», ասել
Սիրանուշ Ադամյան ԱՄՆ նախագահ Դոնալդ Թրամփը հայտարարել է, թե Հայաստանն ու Ադրբեջանը շատ մոտ են խաղաղության համաձայնագրի ստորագրմանը՝ դա վերագրելով իր վարչակազմի դիվանագիտական ջանքերին։ «Հայաստան և Ադրբեջան։ Մենք իսկական հրաշք գործեցինք այնտեղ, և դա արդեն գրեթե կայացած է, եթե չասենք արդեն ստորագրված է»,– ուրբաթ երեկոյան հանրապետական սենատորների հետ ընթրիքի ժամանակ ասել է Թրամփը։ Թրամփն իր ավելի քան երկու ժամ տևած ելույթում Հայաստան-Ադրբեջան թեմային անդրադարձել է շատ կարճ։ Նա խոսել է ներքին և միջազգային մի շարք հարցերի մասին։ ԱՄՆ նախագահի այս հայտարարությանը նախորդել էր օրեր առաջ ԱՄՆ- առաջարկը՝ վարձակալելու 32 կիլոմետրանոց ճանապարհ Հայաստանի Սյունիքի մարզով, որը կկապի Ադրբեջանը Նախիջևանի հետ որպես […]
-
Դրուզները, Իսրայելն ու լարվածության նոր օջախը Սիրիայում. ինչ է պետք
Սիրիայի նոր իշխանությունները շարունակում են պայքարել ներքին անկայունության դեմ։ Նախորդ տարվա վերջին Ասադների ընտանիքի շուրջ 50-ամյա իշխանության անկումից հետո Սիրիայում մի շարք զինված բախումներ են տեղի ունեցել, որոնք մարտահրավեր են Դամասկոսի համար։ Առաջին խոշոր բախումները գրանցվեցին մարտին երկրի արևմուտքում՝ Լաթաքիայի ու Տարտուսի միջերկրածովյան շրջաններում, տեղի շիական ալավիների և կառավարական ուժերի միջև, իսկ կառավարական ուժերի մասնակցությամբ պայմանականորեն երկրորդ և վերջին զինված միջադեպերը կապված են երկրի հարավային շրջաններում՝ Իսրայելի և հատկապես Հորդանանի հետ սահմանամերձ վայրերում բնակվող դրուզների հետ։ Հուլիսի 13-ին Սիրիայի հարավային Սուվեյդա շրջանում լուրջ բախումներ տեղի ունեցան բեդվինական ցեղախմբերի (աշիրեթների) և դրուզների միջև։ Դեպքերից 1-2 օր հետո բախումներին միջամտեցին սիրիական կառավարական […]
-
Ձերբակալվել է ԱԺ նախկին պատգամավոր Ռուբեն Հակոբյանը
Հուլիսի 18-ին ձերբակալվել է Ազգային ժողովի նախկին պատգամավոր Ռուբեն Հակոբյանը։ Տեղեկությունը ՍիվիլՆեթի հետ զրույցում հաստատեցին Քննչական կոմիտեից։ «ՀՀ քննչական կոմիտեում փաստական տվյալներ են ձեռք բերվել այն մասին, որ Ռ.Հ.-ն 2025 թվականի հուլիսի 1-ին զանգվածային լրատվության միջոցով՝ հարցազրույց տալու ընթացքում հնչեցրել է իշխանությունը զավթելուն ուղղված հրապարակային կոչ»,- հայտնում են Քննչական կոմիտեից։ Հուլիսի 18-ին քննիչի միջնորդության հիման վրա նրա նկատմամբ հարուցվել է հանրային քրեական հետապնդում՝ զանգվածային լրատվության միջոցներով իշխանությունը զավթելուն, տարածքային ամբողջականությունը խախտելուն կամ սահմանադրական կարգը բռնի տապալելուն ուղղված հրապարակային կոչեր անելու մեղադրանքով։ Նույն օրը Ռուբեն Հակոբյանը դատարան ներկայացվելու համար ձերբակալվել է։
-
«Վեոլիա Ջուր»-ի տնօրենը ՀՀ նախագահի հետ քննարկել է սպասարկման որակի
Հուլիսի 18-ին նախագահ Վահագն Խաչատուրյանն ընդունել է «Վեոլիա Ջուր» ընկերության գլխավոր տնօրեն Մարիաննա Շահինյանին: «Հանդիպման ընթացքում Մարիաննա Շահինյանը ներկայացրել է «Վեոլիա Ջուր» ընկերության կողմից իրականացվող ծրագրերը, որոնք միտված են ջրամատակարարման համակարգի բարելավմանը, սպասարկման որակի բարձրացմանը, սպառողների բարձրաձայնած խնդիրներին օպերատիվ ու արդյունավետ արձագանքելու նպատակով ձեռնարկված քայլերին»,- նշված է նախագահի մամուլի ծառայության տարածած հաղորդագրությունում։ Հանդիպման ընթացքում մտքեր են փոխանակվել ջրամատակարարման և ջրահեռացման ծառայությունների ընթացիկ վիճակին, համակարգի արդիականացմանն ու ջրային ռեսուրսների արդյունավետ կառավարմանն առնչվող մի շարք հարցերի շուրջ։ Անդրադարձ է եղել նաև հետագա նախաձեռնություններին, որոնց նպատակն է ընդլայնել մատուցվող ծառայությունների ծավալը՝ ընդգրկելով նոր բնակավայրեր, ինչպես նաև ներդնել ժամանակակից տեխնոլոգիաներ՝ ջրային ռեսուրսների արդյունավետ կառավարման, […]
-
Ե՞րբ է բիզնես վաճառելու ճիշտ ժամանակը. զրույց Մհեր Փարվանյանի հետ
Գործընկերային բովանդակություն Ինչպիսի՞ն է բիզնեսների առքուվաճառքի շուկան Հայաստանում, և ինչո՞ւ է առաջացել դրա թվային հարթակի անհրաժեշտությունը։ «ՍիվիլՆեթ բիզնեսի» տաղավարում հյուրընկալել ենք «Փարվանյան Քոնսալթինգ» ընկերության հիմնադիր Մհեր Փարվանյանին՝ խոսելու նորաստեղծ Biz4Sale հարթակի, դրա առաջարկած հնարավորությունների և ներդրումային միջավայրի մասին։ Զրույցում անդրադարձել ենք բիզնեսների առքուվաճառքի նոր ձևավորվող մշակույթին, շուկայի ներկա մարտահրավերներին, հարթակի նպատակներին, ինչպես նաև Հայաստանում գործարար միջավայրի զարգացման հեռանկարներին։
-
+40 աստիճան տաքություն․ բարձր կարգի հրդեհավտանգ իրավիճակ է սպասվում
Հարավից արևադարձային տաք օդի ալիքի ներթափանցմամբ պայմանավորված՝ հուլիսի 21-23-ին Արարատյան դաշտում, Սյունիքի հովիտային գոտում և Երևանում սպասվում է բարձր ջերմային ֆոն․ ցերեկը ժամը 16։00-17-00-ն ընկած ժամանակահատվածում՝ +38․․․+40 աստիճան տաքություն։ Նշված հատվածներում առաջիկա 5 օրերին սպասվում է նաև բարձր կարգի հրդեհավտանգ իրավիճակ։ Այս մասին հայտնում են շրջակա միջավայրի նախարարությունից։ Հնարավոր հրդեհներից և դրանց անկանխատեսելի հետևանքներից խուսափելու համար նախարարությունը հորդորում է խստորեն հետևել հակահրդեհային նորմերի պահպանմանը։Հիշեցում՝ անտառային տարածքներում արգելվում է.❌ Կրակ վառել❌Վառվող լուցկի կամ ծխախոտի մնացորդ գցել❌Յուղերով կամ բենզինով ներծծված լաթեր թողնել❌Ներքին այրման շարժիչների աշխատանքի ժամանակ մեքենան վառելիքով լիցքավորել, ինչպես նաև ծխել լիցքավորվող մեքենաների մոտ:
