Ներկաների հետ հանդիպմանը Հովհաննիսյանը կոչ արեց բոլորին մասնակցել ապրիլի 9-ին նախատեսված «նոր Հայաստանի երդմնակալության արարողությանը»՝ նշելով, որ այդ օրը բոլորը պետք է լինեն մեկ բռունցք ու մարմին:
«Այդ օրը տանը նստելու օր չէ, այդ օրը այն ջրբաժանն է, որի շուրջ պետք է հավաքվի Հայաստանի հաղթական քաղաքացին»,- ասաց Հովհաննիսյանը` հավելելով, որ ապրիլի 9-ին լինելու է բոլորի քննությունը, և որ պետք է լինի հավաքական պայքար կամ ոչ մի պայքար:
«Մենք պատմությունը կերտելու ճանապարհի վրա ենք»,- ասաց նա:
Հովհաննիսյանն անդրադարձավ նաև Պռոշյան գյուղի գյուղապետ Հրաչ Մուրադյանի սպանությանը և պահանջեց, որ համապատասխան ուժերը շուտափույթ բացահայտեն սպանության կազմակերպիչներին:
«Երբ հարգելի հայրենակիցը, գյուղապետը օրը ցերեկով սպանվում է վախկոտ ահաբեկչի կողմից, դա արդեն ահազանգ է բոլորի համար»,- ասաց նա:
Հովհաննիսյանի մարզային հաջորդ կանգառը Արթիկն է: