Հայտարարության մեջ մասնավորապես ասված է. «Մենք ուրախ ենք հաստատելու Եվրամիության և Հայաստանի միջև կնքվելիք Ասոցացման համաձայնագրի շուրջ բովանդակային բանակցությունների ավարտը՝ ներառելով է Խորը և համապարփակ ազատ առևտրի գոտու (ԽՀԱԱԳ) հաստատումը, ինչի վերաբերյալ բանակցող կողմերը համաձայնության են եկել Երևանում:
Սա չափազանց դրական զարգացում է, և մենք ակնկալում ենք նախաստորագրել Ասոցացման համաձայնագիրը նոյեմբերի 29-ին Վիլնյուսում կայանալիք Արևելյան գործընկերության գագաթնաժողովում և այնուհետև ստորագրել համաձայնագիրը տեխնիկական ընթացակարգերն ավարտելուց հետո:
2010 թ. մեկնարկած այս բանակցությունների ավարտը նշանակալի ձեռքբերում է ինչպես ԵՄ-ի, այնպես էլ Հայաստանի համար: Ասոցացման համաձայնագիրը թույլ կտա ԵՄ-ին ու Հայաստանին միասին առաջ ընթանալ համապարփակ արդիականացման և բարեփոխման ծրագրով` հիմնված համատեղ արժեքների, քաղաքական ասոցացման և տնտեսական ինտեգրման վրա: Համաձայնագիրը անմիջական դրական ազդեցություն կունենա Հայաստանի ամենօրյա կյանքի վրա և նրա բոլոր քաղաքացիներին կմոտեցնի ԵՄ-ին: Մեր երախտագիտությունն ենք հայտնում բանակցող կողմերին` այս հիանալի արդյունքին հասնելու համար»: